Rangeele - වර්ණිත කයිලාසාව හෙවත් සාම්ප්‍රදායික සත්සරයට වර්ණ තවරා නැවත ජීවහුස්ම පිඹීම.

 

      සිනමාවට හිත බැඳගත් රසික පවුරක් සිටින රටක සිනමාත්මක සංගීතයෙන් බැහැරව සිය ස්වර රටා වටා ඊටම පෙම් බඳින රසික කැලක් තනාගැනීම ශ්‍රී ලංකාව වැනි රටක කෙසේ වෙතත් ඉන්දියාව වගේ රටක නම් ඉතා අපහසු දෙයක්, නමුත් සංගීතය වෙත ඇති දිව්‍යමය හැකියාව සහ ඔවුන්ට අනන්න්‍ය වූ සංගීතමය සංස්කෘතියක් තනාගත් කයිලාශ් ඛේර් සහ ඔහුගේ සංගීත වෘන්දය වූ කයිලාසාව ට නම් එය  ඉතාමත් සුලු දෙයක්.
2006 දී ඔවුන්ගේ පළමු උත්සහය වූ කයිලාසා/kailasa , 2007 වසරේ ජූමෝ රේ/Jhoomo re, 2009 වසරේ චාදන් මේන්/Chandan main යන ඇල්බම ත්‍රිත්වයට වසර තුනකට පසුව රන්ගීලේ/ Rangeele නමින් සිය සිව්වන සහ නවමු ඇල්බමය සෝනි බීඑම්ජී ලේබලය යටතේ මේ වසරේ එළිදැක්වූවා. නමේ තේරුමට ම ගැලපෙන විදියට විවිධ ගීතනු වලින් වර්ණවත් වූ කයිලාසාවන්ගේ සිව්වැන්න තමන්ගේ හැකියාව හරහා වර්ණවත් කරවනවාට අමතරව භාරත ජන සංගීතය, සූෆී සහ බටහිර සංගීතික සංස්කෘතීන් ඇතුලේ අසන්නන්ව අමන්දානන්දයට පත් කරන්නේ ඉතා විශ්මිත විදියට.

      කයිලාශ් මේ ඇල්බම් එක කරලා තියෙන්නේ මහා ගෝසාකාරී සංගීතය එක්ක නොවුනා වුනත් ලයාන්විත සහ සිත විවේක කරවන අපූරු තනු කලසකින් තැනුන එකක් නිසා නිදහස් සවසක කෝපි කෝප්පයක් තොලගාමින් පුටුවට තට්ටුවක් දමමින් තාල අල්ලමින් අහන්න මේ ඇල්බමයේ තියේන ගී පෙළගැස්ම හරි අපූරු සහයක් සපයනවා. එකොස්ටික් ඒ කියන්නේ ස්වාභාවික නාදරටා සමඟින් යන ගීත සමඟ මේ වර බොහෝ ගීතවල ඉඩපාඩු පුරවන්න සැක්සෆෝනය යොදාගෙන තිබෙන ආකාරය ඉතාම රමණීයයි. කෙටියෙන් කියනවා නම් මේ ඇල්බමය කයිලාසවන් ඉදිරිපත් කරන්නේ පොළොවේ පයගසා සිටින මිනිසුන් ගැන සංවාදයක නිරතවන්නට හොඳ වටපිටාවක් තනමින් බව නම් නියතයක්.
   කයිලාශ් මේ ඇල්බම් එක කරලා තියෙන්නේ මහා ගෝසාකාරී සංගීතය එක්ක නොවුනා වුනත් ලයාන්විත සහ සිත විවේක කරවන අපූරු තනු කලසකින් තැනුන එකක් නිසා නිදහස් සවසක කෝපි කෝප්පයක් තොලගාමින් පුටුවට තට්ටුවක් දමමින් තාල අල්ලමින් අහන්න මේ ඇල්බමයේ තියේන ගී පෙළගැස්ම හරි අපූරු සහයක් සපයනවා. එකොස්ටික් ඒ කියන්නේ ස්වාභාවික නාදරටා සමඟින් යන ගීත සමඟ මේ වර බොහෝ ගීතවල ඉඩපාඩු පුරවන්න සැක්සෆෝනය යොදාගෙන තිබෙන ආකාරය ඉතාම රමණීයයි. කෙටියෙන් කියනවා නම් මේ ඇල්බමය කයිලාසවන් ඉදිරිපත් කරන්නේ පොළොවේ පයගසා සිටින මිනිසුන් ගැන සංවාදයක නිරතවන්නට හොඳ වටපිටාවක් තනමින් බව නම් නියතයක්.
   ඉන්දිපොප් වර්ගීකරණය යටතේ කැටගරි ගත වන කයිලාසවන්ගේ සංගීත ප්‍රාතිහාර්යයන් තව තවත් දුරට සිදුවේවි.., එතෙක් මේ ගී කැලට සවන් දෙන්න.., 

ඒ ඔබව සනසාවි.

අතුරු සබැඳි : කයිලාසාවට පෙම් බැඳීම හෙවත් "Chaandan Main" ඇසීම.

බාගත කිරීම් : Rangeele 128kpbs [53.1 MB]
                       Rangeele 320kpbs [98.6 MB]