කුරිරු ත්රස්ථවාදයෙන් පසුව සාමයේ අරුණලූ උදා වූ ලංකාව මේ වන විට දියුණුව කරා යන ගමනේදී ඉතා ඉහල අගයක ගන්නා සාධකයන් ගණනාවක් පවතිනවා. ඒ අතරින් සංචාරක ව්යාපාරය ඉතා ඉහල තැනක තබන්නට පුලූවන්.., විසිවන සියවසේ පළමු දශකයේ මුල් අර්ධයේදී අපට තිස් වසරක් මේ රට පීඩා විඳි කුරිරු යුද්ධය අවසාන වූ වහාම මේ රටට පෙර නොපැමිණි තරම් සංචාරකයන් පිරිසක් ඉන්පසු මෙරට ට එන්නට පටන් ගත්තා. මෙහි ප්රතිපලය වූයේ රට තුල සාම්ප්රදායික රැුකියා වලට ඇති ඉල්ලූම එලෙසම පවතිද්දීම නව ව්යාපාරයන්ට ව්යවසායකයන් විසින් ජීවය දෙන්නට පටන් ගැනීමයි. මේ රැුල්ලෙන් සංචාරක ව්යාපාරයටත් මිදෙන්නට හැකි වූයේ නැහැ.
අතීතයේ අනුරාධපුරය, ගාල්ල, මාතර, නුවරඑලිය ආදී සාම්ප්රදායික සංචාරක ආකර්ශනිකයන් වෙත පමණක් ඇදෙන්නට වූ මේ සංචාරක ප්රජාව මේ ව්යාපාරයේ දියුණුව දලූලන්නට පටන් ගැනීමත් සමඟම වෙනත් ප්රදේශ වලටත් සිය ව්යාපාරය ප්රචලිත කරන්නට වුණා. මෙහි ප්රතිපලය වූයේ රට තුලට දියුණුව, සෞභාග්ය, ආදී දේ එන අතරම ඒ අතර සැඟවී අවර පුරුදුත් අප සමාජයට එන්නත් වීමයි.
වර්තමානය වෙනවිට ලංකාව පාරිසරික බැඳීම් වලින් වැඩි සංචාරක කර්මාන්තයක් එනම් හරිත පේ්රමී සංචාරක කර්මාන්තයක් වෙනත් ප්රචලිත වචනයකින් කියුවොත් ැජද රෙසැබාකහ ප්රවනතාවය අපගේ විමර්ශනයට හසුවූ ස්ථානවල ඉස්මතු වී තිබුණු ලක්ශණයක් විදියට සඳහන් කරන්නට පුලූවන්. ඉතින් මේ eco tourism කර්මාන්තයේදී සංචාරකයාට ලංකාව හරිත හිතැති අයුරින් සමීප කරවන්නට ව්යාපාරිකයා යොදාගන්නා ක්රමෝපායන් ගණනාවක් භාවිතා කරනවා මේ අතර ලංකාව වටා ගුවන් සවාරි සිට අතීත ගම සහ ඒ හා බද්ධව පැවතුනු සංස්කෘතික ක්රියාදාමයන් දක්වා මේ ආදී නෙක රටාවන්ගේ රටාවන්ගෙන් යුතු සංචාර සැලසුම් වලින් මේ වෙනකොට ඔවුන් සජ්ජිතයි.., මේ අතර වැඩිපුර නොකියවෙන එහෙත් බහුතරයකගේ අවධානය යොමු වෙන කොටසක් වෙතයි ඔබව හරවන්නට මේ සූදානම.
වර්තමාන ලංකාවේ අලිගහනය වල් අලි සහ හීලෑ අලි පෙර වසර වලට වඩා වැඩිවීමක් දකින්නට ලැබෙනවා., මීට මාස කිහිපයකට පෙර ලංකා රජය විසින් කරන්නට යෙදුනු අලි සංගණනයෙන් පවා හෙලි වූයේ ලංකාව අලි ගහනය ඉහල අගයක පවතින බවයි. වැඩිවන අලි ගහනයට සාපේක්ෂව වන ගහනය සීග්රව අඩුවන නිසා එහි ප්රතිපලය වන්නේ අලි ගම් වැදීම හෙවත් අලි මිනිස් නොනවතින ගැටුමේ ආරම්භයයි. විව්ධාකාර සංවිධාන, දෙපාර්තමේන්තු මේ සඳහා නොයෙක් සැලසුම් ඇඳ ඒවා ක්රියාත්මක කරන්නට උත්සහ ගත්තත් අද වෙනකොටත් ඒ සඳහා ස්ථිරසාර උත්තරයක් හොයා ගන්නට කාටවත්ම පුලූවන් වෙලා නෑ. මේ ගැටලූවට අතීතයේ ඉතා ප්රගතිශීලී සේ පෙනෙන විසඳුමක් ලංකා සමාජයට හඳුන්වා දෙන්නට අනාදිමත් කාලයක සිට ලාංකිකයාගේ මනස හුරු වෙලා තියෙනවා. ඒ අලි හීලෑ කිරීමයි. මුලදී අලින්ට නියම ලෙසම හදවතින්ම ආදරය කරන කිහිප දෙනෙකු මේ ක්රමෝපායක් භාවිතා කරා, ඒ අලියෙකු සිටින්නේ ප්රභූ පැලැන්තියක කෙනෙකුට හෝ බෞද්ධ විහාරයක පමණක් වෙන නිසා.., 1971 දී ලංකාවට හඳුන්වා දුන් විවෘත ආර්ථක ක්රමය නිසා සාම්ප්රදායික රක්ෂා ක්රමය කෙනෙක් අහෝසි වෙන්නට උනා. මෙහි ප්රථිපලයක් ලෙසට එකල තරුණයින් වෙනත් වෙනත් රැකියා වලට යොමු වීම නිසා අලි රැකබලාගන්නන්, ඇත් ගොව්වන්, ප්රමාණයද කෙමෙන් කෙමෙන් හීන වෙන්නට පටන් ගත්තා. වර්ථමානය වෙන විට ඇත්ගොව්වන් සිටියත් ඔවුන් තුල අතීත ගොව්වන් තුල තිබූ සතාට ආදරය කිරීම්, රැකබලාගැනීම් වෙනුවට වෙනත් මූල්යමය අහිමතාර්ථ ඇතිවීම නිසා ඉතා ගැටලූ සහගත් තත්ත්වයන් ආරෝපනය වී මේ සාම්ප්රදායික රැකියාවට කණකොකා හඬන්නට පටන්ගෙන.මේ අතර අලියා හිමි කරුවාටත් අතීතයේ තිබූ ප්රවේණි ගත ආදායම් මාර්ග වලට යොමුවෙන්නට ඇති අපහසුව සහ සේවක ගැටලූ නිසා ඔවුන් තුලත් අර පෙර පැවති සත්ව පේ්රමය වියැකී ඒ වෙනුවට මූල්ය අභිමතාර්ථ ඉස්මතුවෙන්නට පටන් ගෙන.
මෙන්න මේ වටපිටාව තුල වර්ථමාන හීලෑ අලි අයිති කරුවන්ට තම අලියා යොදාගනිමින් වර්ථමානයට ගැලපෙන ආදායමක් සොයන්නට අවස්ථාවක් සංචාරක ව්යාපාරයට පින්සිදුවන්නට ඔවුන්හට උදා වෙනවා.., ඒ රට තුලට එන සංචාරකයන්ව අලින් පිට ගෙන යාම, එසේත් නොමැති නම් ැකැචය්බඑ රසාැ යන ක්රමෝපාය තුලින්. අප කල විමර්ශණයේදී සොයා ගත් අන්දමට මසකට අලි අයිති කරුවාට රුපියල් 200,000ට ආසන්න වෙන මාසික ආදයමක් හිමිකර දුන්නත් අපට නොපෙනෙන කඩතුරාවකින් වැසී පවතින වෙසෙසින් ම අලියාට අහිතකර වන ක්රියා පටිපාටියක තොරතුරු එහිදී අපට සොයා ගන්නට ඉඩප්රස්ථාව ලැබුණා.
සංචාරක ව්යාපාරයට යොදවන අලින් ගේ ආයු කාලය වෙනත් හීලෑ අලින්ට සාපේක්ෂව අඩු බවක් අපට එහිදී දැනගන්නට ලැබුණා. මීට හේතුව විදියට පෙන්වා දෙන්නට පුලූවන් වන්නේ අලින් පිට බඳින සංචාරකයන් ගෙන යන්නට භාවිතා කරන යකඩ කොටුව එහෙමත් නැතිනම් දිනපතා අලියා පිටට තබා බඳින ලෝහමය අට්ටාලයයි. මෙම අට්ටාලය භාවිතාවෙන් කෙටි කාලීනව අලියාට ආබාධ නැති වුවත් දිගු කාලීනව අලියාට ආබාධ ඇති කරනවා.., මීට හේතුව වන්නේ මෙම අට්ටාලය අලියාට තබා බඳිනා ආකාරය නිසාවෙනුයි.
ව්යාපාරය තුල සේවයේ යෙදෙන්නන් ඉහත කාරණා එළිලනවාට ඉතා තදබල ලෙස අකමැති වීමෙන්ම මින් එන සේවයේ යොදවන අලියාට ඇතිවන බලපෑම පිළබඳව ඔබහට අදහසක් ගන්නට පුලූවන් වේවි.., මීට අමතරව අලියා නම් සත්වයා කැලේ සිටිනාවිට මොනයම් හෝ බරක් කර තබාගෙන යන්නට අවස්ථාව ලැබෙන්නේ නෑ.., ඉදින්.., මේ ඉතා චිත්තාකර්ශනීය වූ මේ elephant ride සේවාවට පින්සිදුවන්නට ස්වාභාවික පරිසරයට ඇල්මක් දක්වන අලියාට යකඩ අට්ටාලයකට අමතරව මිනිසුන් දෙදෙනෙකුගේ සිට හයදෙනකු අතර ප්රමාණයක් කර තබාගෙන එකම මාර්ගයක දවසකට ඉතා විශාල ගමන් සංඛ්යාවකට මුහුණ දෙන්නට වීම, ඉහත කීවා සේ අලියාගේ සිරුරට දීර්ඝ කාලීනව බලපෑමක් එල්ල වෙනවා. ඒ අතර දෛනිකව යකඩ අට්ටාලයන් සවීකිරීම නිසා අලියාගේ ඉළ ඇට තදවීම නිසාවෙන් ස්වසන අපහසුතා ඇති වීම ප්රධාන තැනක් ගන්නවා.., ඒ සත්වයෙක් හුස්ම ගැනීමේදී ඉළ ඇට කූඩුවේ ප්රසාරණයන්, සංකෝචනයන් ඊට සහයක් ලබාදෙන නිසාවෙන්.
ඉදින් හබරණ ආදී ප්රදේශ වලදී විනෝද ගමන් යාමේ දී අලින් පිට යන්නට ඔබ කවුරුන් හෝ අදහස් කරනවා නම් ඉහත කාරණා සැලකිල්ලට ගෙන දෙවරක් නොව තෙවරක් වත් සිතා බැලීම්න් අප මෙන්ම මෙලොව ජීවත් වීමේ අයිතිය ඇති, එහෙත් අවාසනාවකට අපි ඒ අයිතිය අපත් නොදැනම උදුරාගන්නට තැත්කරනා ඒ අහිංසක හීලෑ අලි පරපුර පිළිබඳ විමසුම් ඇස් හෙලන්නට ඔබත් මඳකින් හෝ උත්සහ කරනවා නම් ඒ උත්සහය ඔවුන්ගේ අනාගතය අංශුමාත්ර පමණකින් හෝ ආරක්ෂිත කරන්නට උදව්වක් වේවි.
Monday, January 30, 2012
සත්ව හිංසනයෙන් තොර සංචාරක ව්යාපාරයක් උදෙසා සෙනහසින් ලියා තබන වගනම්..,
Wednesday, September 14, 2011
කියැවුමේ ඉතිහාසය
මිනිහෙක් පොත් කියවීම නිසා සම්පූර්ණ වෙනවා කියන එක වෙන අයට අනුව ඇත්තක් උනත් මා සම්බන්දයෙන් ඇත්තක් වෙලා නෑ තවම, මොකද පිටස්තරයින්ට අනුව මමතවම පොත් කියැවීමේ මුල් මට්ටමේ ඉන්න කෙනෙක් නිසා.., අවට අත්දැකීම් එක්කාසු කරලා කවි කතා වැනි දේ ලිව්වත් මම තවම අදහන දෙයක් තමා මම තවම හැදෑරීමේ මූලික මට්ටමේ ඉන්න කෙනෙකු බව.
ඉස්සර අපේ ගෙදේර වැඩ කරන්න මිනිස්සු දෙන්නෙක් හිටියා ඉන් එක්කෙනෙක් ගේ නම සුනිල්. මිනිහා පොඩි පොඩි මැජික් කෑලි දන්නවා..,ඩේවිග් බ්ලේක්,හූඩිනි, වගේ අය ගැන අහන්න ඉස්සෙල්ලා මිනිහා තමා මට ඇස්බැන්දුම් කරලා පෙන්නලා මාව පුදුම කෙරෙව්වේ.., ඒ අතරේ මගේ අතේ තිබ්බ කාසිය අතුරුදහන් කරල මගේ කන ගාවින් ගන්න විදිය, ටොපියක් ඇඟිලි අස්සේන් අතුරු දන් කරලා එය ඔහුගේ සාක්කුවේ වග පෙන්නීම වගේ දේවල් කරලා තමා ඒ දවස් වල මට මගේ ලෝකේ මැජික් උනේ. ඔය ඉන්න අතරේදී මිනිහා දවසක් මට කුඩා නැවීම් කිහිපයකින් පසුව කඩදාසියෙන් සතුන් උපද්දන විදියක් කරලා පෙන්නුවා.., මම ඒ ගැන වැඩි දුර විස්තර හාර හාරා අහන කොට තමා කිව්වේ එවා ඉගෙන ගත්තේ මිනිහා පොතකින් බවත්, ඒ වාට කියන නම ඉස්සර මතක තිබුනත් මේ වෙනකොට මතක නැති බවත් කියලා..,
සුනිල් අපේ ගෙදරින් ගිහිල්ලා අවුරුදු ගාන කට පස්සේ තමා මම දැන ගත්තේ ඒ නැවීම් කිහිපයකින් සත්තු උපද්දන්න හැකි ක්රමේට කියන්නේ "ඔරිගාමි" කියලා. ඒත් මේ සිදුවීම තමා මම පොත් කියවන්න කුඩා කාලයේදී ආශක්ත වුනු ආසන්නතම සිදුවීම. වයස අවුරුදු 10 තරම් තේරෙන වයසට ආවම අපේ ගෙදරට ගෙනපු චිත්ර කතා පත්තර කියවන්න මම පුරුදු වුනා.., සිත්තර, සත්සිරි, දසුන, මධුර වගේ පත්තර ඒ දවස් වල මේ හිත් ගත්තා. මේ පත්තර වල චරිත මවපු යුනිකෝන්, ටෝගා, ස්පාටකස්, වගේ වීර කතාත් ඉතින් ඊට පස්සේ වගේ ආදර කතාත් අවුරුදු 10ක් තරම් පොඩි කාලේදී මම කියවන්න පුරුදු උනා.., ඒ වගේම ඒ දවස් වල මම චිත්ර කතා පත්තර වල තියෙන්නා වාගේ චිත්ර අනුකරණය කරමින් විවිධ චිත්ර අඳින්න පුරුදු උනත් ඒවා හරිගියේ නෑ. ඒත් ඒ මඟින් එක හොඳක් සිද්ධ උනා. ඒ තමා මම චිත්ර කියන විශය සම්බන්ධයෙන් කෙසේ වෙතත් කියවීම කියන විශයේ හොඳ
ඇල්මක් තියෙන කෙනෙක් බවට පත්වීම. අපේ බාප්පලයේ ගෙදර හිටියා වැඩකරන්න කෙනෙක්.එයාගේ නම මැගී. ඉස්සර අපි ගේ හදන්න ඉස්සර මහගෙදර ඉන්න කාලේ මාව බලාගෙන තියෙන්නේ මැගී. මම මොන්ටිසෝරි ඇරිලා ආපු ගමන් ගමන් බත් එක අරගෙන ඒක කවන ගමන් මැගී අපිට කතාවක් කියලා දෙන්න පුරුදුවෙලා හිටියා.., ඒ කතාවේ ඇස් වලින් ගින්දර පිඹින අස්සයෝ, මායාකාර ආච්චිලා, පියාඹන කොසු වල නැගලා කෑම කන්නේ නැති ළමයි අල්ලගෙන මග්ගොන ගිහින් දාන යක්කු.., මේ වගේ අය ගැන නොයෙක් කතා කියල මට කෑම කවනවා.., ඒ කතාවේ බාගයක් අහගෙන යනකොට මගේ බත් පිඟාණත් ඉවර වෙන නිසා; හොඳම තැනින් කතාව හෙට කෑම වෙලාව වෙනකල් නවත්තනවා.., ඒ කතාව කවදාවත් ඉවර කරන්න මැගීට බැරි උනා වගේම මටත් කවදාවත් ඒ කතාව නොඅහා ඉන්න හේතුවක් ඒ දවස් වල තිබුණේ නෑ. පොඩි කාලේ ඉඳන් ම මාව කතන්දර අහන්න වගේම ඒ කතා පිපාසාව නිසා අකුරු එකතු කරල කතන්දර කියවන්නත් ලොකු හේතුවක් උනේ මාව පොඩි කාලේ බලාගත්තු මැගී.
චිත්ර කතා වල ආභාසය නිසා ම මම, 5 වසරට සමත් උනාම ඒ දවස් වල අපිට හෙන පිස්සුවක් තිබ්බා සුපර් හීරෝස් ස්ටිකර් එකතු කරන්න, ඒ රූප ස්ටිකර් 10 තියෙන පැකට් එකක් රුපියල් 5යි.., ඒවා අදාල නමට යටින් සුපර් හීරෝස් පොතේ අලවලා යැව්වම තෑගි හම්බුණා. දවසක් මම සරසවියට අම්මා එක්කලා ගිය වෙලාවක පැත්තක අඳුරු මුල්ලක දාල තිබ්බ කාටූන් කතා පොත් තුකන් ගත්තා ඒ දවස් වල ආඒ ඉන්දියක් කොපි, ඒක පොතක් රුපියක් 30යි. අම්මට අඬලා අඬලා පොත් තුනක් අරගෙන ගෙදර ගෙනල්ලා කියෙව්වා. ඒ දවස් වල මම ඉංග්රීසි වලට හරි දුර්වලයි, ඒ නිසා රූප කියවලයි තේරුම් ගත්තේ, පස්සේ මම 6 වසරට විතර සමත් උනාට පස්සේ ඉස්කෝලේ ඇරිලා එන ගමන් ටින්ටින්, ඇස්ට්රික්ස් වගේ කාටූන් පොත් අරන් කියෙව්වා, ඒ පොත් ගත්තේ බොරැල්ලේ මාධව පොත් හලෙන්, ඒ වගේම අසෝකාරාමේ ගාව තිබ්බ මිස්සක පොත් හලේත් ඒ පොත් අඩු මිලට තිබුණා.., දැන්නම් මිස්සක පොත්හල නෑ, අසෝකාරාමේ ගාව ඒක වහලා දාලා.
මම පළවෙනියටම කියෙව්ව පොත තමා තුන්යහලු වික්රමය., ඒ දවස් වල ඒ වගේ පොත් රාසියක් ආපු නිසා මට කියවන්න තියෙන පොත් වලින් අඩුවක් උනේ නෑ. බස්තියන්ගේ සොහොන, පාලු කන්දේ අභිරහස, වගේම කුලසේන ෆොන්සේකාගේ රන්සිරිගේ සංග්රාමයත් මම හොයාගෙන කියෙව්වා.., කතාව හරියටම තේරුනේ නැතත්.., ඒ දවස් වල රූපවාහිනියේ අඟහරුවාදා රෑ 8.30ට රන්සිරිගේ සංග්රාමය ටෙලියක් විදියට විකාශය උනා, මට තාම මතකයි ඒක රන්සිරි විදියට රඟපෑවේ ජගත් බෙනරගම.
දවසක් ඉස්කෝලේට උදේ යනකොට අපේ ඉස්කෝලේ එහා මරදාන පැත්තේ කහ ඉර ඉස්සරහ තියෙන ගොඩගේ පොත්හලෙන් ඇඩ් එකක් දාලා තිබ්බා පොත් සේල් එකක් තියෙනවා කියලා එදාට කලින්දා ගුරු දෙගුරු පොතේ පහසුකම් ගාස්තුගෙවන්න කියලා කියල තිබ්බ නිසා රුපියල් එක්දාස් ගාණක් මගේ අතේ ඒ වෙලාවේ තිබ්බා. එදා මම පහසුකම් ගාස්තු ගෙවන්නේ නැතුව ගියා ගොඩගේ එකට පොත් බලන්න, ඒ තමා මම තනියම පොත් කඩේකට ගිය පළවෙනි වතාව. කේජී කරුණාතිලක පරිවර්ථනය කල වානරයන්ගේ ටාර්සන්, මොන්තක්රිස්ටෝ සිටුවරයා, බිම්ගෙයි සිරකරුවා වගේ පරිවර්ථිත පොත් තිබබා. කොහොම හරි මොන්තක්රිස්ටෝ සිටුවරයා වෙළුම් 6 ක් නිසා නොගත්තත්, වානරයගේ ටාර්සන්, ටාර්සන් සහ වනසිවුපාවෝ, ටාර්සන් ආපසු එයි කියන පොත් තුන මම ගත්තා. කේජී මහත්තයාගේ බරසාර වචන හරඹ නිසා මුල් පරිච්ඡේද එක දෙක නොතේරුණත් අමාරුවෙන් කියවාගෙන යනකොට මටත් නොදැනිම මගේ වාග් ශෛලීය ඊට අනුගත වෙලා සරළ සිංහල පොතක් කියවනවා වගේ දැනෙන්නට වුණා. සාමාන්යපෙළින් උසස් පෙළට සමත් වෙලා, රොටරියේ ක්ලාස් වලට යන්න පටන් ගත්තාම ගෙදරින් කන්න දෙන සල්ලි එකතු කරලා, විදර්ශන එකෙන් පොත් ගන්න අපි වෙනමම සෙට් එකක් හිටියා, ඒ අය අද වෙනකොට කොහෙද දන්නේ නෑ. ඉස්සර නුගේගොඩ ස්ටැන්ලි තිලකරත්න මාවතේ ඒලියන් බූට්ස් සපත්තු කඩේ අයිනෙන් යන්න ලේන් එකේ තිබ්බ ගෙදර තමා විදර්ශන පොත් ගෙදර දාලා තිබුණේ. අද විශාලව පවතින විදර්ශන පාඨක ජාලයේ ආරම්භයත් සිදුවුනේ එතන. එදා ඉඳන් අද වෙනකල්ම ගත්තු මගේ පොත් එකතුවේ සෑහෙන්න පොත් ප්රමාණයක් එකතුවෙලා තියෙනවා.
ගුණසේන පොත් මාසය, කොළඹ අන්තර්ජාතික පොත් ප්රදර්ශනය වගේ කාලයනුත් විජේසූරිය ග්රන්ථ කේන්ද්රය, විදර්ශන ප්රකාශන, දයාවංශ ජයකොඩ් සහ සමාගම, සමයවර්ධන, කියවන නුවණ, සම්මාන, සරසවි, විජිතයාපා, ගාමිණීහෝල්, ගොඩගේ වගේ පොත් හල් වලට පින්සිදුවෙන්නත් මම කියවීම අතර කවදාවත් කඩන්න බැරි බැඳීමක් ගොඩනඟාගෙන. ඊට අමතරව හෂිත අයියා, සචී අක්කා, ලසිත, රචින්ත, මරේ, හරේෂ්, මලී, චමිල, පැතුම් වගේ නිතර හමුවෙන අය එක්කලා මේ වෙනකොට විශාල පොත් ප්රමාණයක් හුවමාරු කරගෙන ඒ ගැන සංවාද කලත් මට හිතෙන්නේ අපි කියවාපු දේ එක්ක අපේ දැනුමේ ප්රමාණය ලෝක සාහිත්යයේ ප්රමාණයෙන් දුහුවිල්ලක තරම් වත් නෑ කියලයි.
Tuesday, May 31, 2011
ආදරේ නාමයෙන් මුව හමට තැලීම
ඔබ කවදාක හෝ යුවතියකට/තරුණයෙකුට ආදරය කරනවා නම් මේ වන විට ඔහු හෝ ඇය සමඟ ඉතා මනරම් කාලයක් ගතකරමින් සිටින බවට සැකයක් නෑ.., Social Networks, Mobile, E-mail හා මේ වැනි බොහෝ දේ අස්සෙන් ගලනා ආදරය කාලයත් එක්කම යාවත් කාලීන වෙලා.., ඉස්සර ලියුම තුණ්ඩු කෑල්ලකින් හුවමාරු වෙච්චි ආදර දෙබස් වර්තමානය වෙනකොට නව තාක්ෂණය මුහුවීමත් එක්ක එක දිශානතියකට යටත් වෙලා ගලාගෙන යන වගක් හැඟෙණවා.
නිදසුනක් විදියට ඉස්සර ආදරය ප්රකාශ කර ලියුමක්, පොතක්, ලේන්සුවක් වැනි දෙයක් හුවමාරුවක් තුල තිබ්බේ සාම්ප්රදායික මුහුණුවරක් වුවත් මගේ පෞද්ගලික අදහස විදිහට එහි තිබුණේ හරිම සුන්දර බෙදාගැනීමක්. ඒත් මේ සුන්දර හුවමාරුව නැතිනම් බෙදාගැනීම, වර්තමානය වෙනකොට අර ඉහතින් කියන්නට යෙදුණු තාක්ෂණය හා එක්කාසුවීම් එක්ක කොතරම් ළඟ ඉන්නවා දැනුනත් කුඩා හෝ දුරස්ථ බවකින් පෙළෙන බව මට හිතෙනවා. කෙටියෙන් ම කියනවා නම් ප්රේමය යනු තවත් එක පරිගණක යෙදවුමක් බවට පත්වෙලාදත් කියා හිතෙනවා..,
ඒත් මේ මතයට එදිරිව උඩුගම් බලන මතයක් මේ ලිපිය කියවන ඔබට තියෙන්න පුලුවන්. නිදසුනක් ලෙස ඔබේ පාර්ශවයෙන් නැගෙන ගැටලු ලෙස
◄►කාලවේලාව මඳවීම
◄►පවුලේ අය හා ගත කරන්නට ඇති අවස්ථා ඌණ වීම
◄►සමාජීය කටයුතු වලදී අදාල චරිත පහසුවෙන් සම්බන්ධ කරගන්නට පැරණි ක්රමය තුල අපහසු වීම
මේ ආදී නොයෙක් කාරණා ඇතුලේ ඔබ තුල සාධාරණ විවේචනයක් ඉහත කියන්නට තිබුණ කාරණා අරභයා කියන්නට තිබෙන බවට කිසිඳු සැකයක් නෑ. සියල්ලටම මුල කාල ඌණ තාවය බව හැමදෙනාගේ ම තුඩ තුඩ නැඟෙන ප්රෂ්ණයක්. ඒ අතින් ඔබ සාධාරණයි. ඒත් අපේ අම්මලා තාත්තලා, අපට වඩා වැඩිමහලු අය අතීතයේ ඔවුන් පෙම්වතුම් ලෙස කාලය ගත කරනා අතරදී වූ අර අපි සාම්ප්රදායික ලෙස හිතා ඉන්න දේවල් අත්දැකීම් ලෙස එලියට එත්දී මිහිරියාවක් දැනී නොමැති නම් ඒ අතලොස්සක් වූ පිරිසකට පමණයි.
මේ හේතුව නිසා තමයි.., වර්තමානය වෙනවිට තමන්ගේ තනිවෙච්චි ආදරයට හුදකලා වෙච්චි සිතුවිලි වලට ජීවය පිඹින්නට වෙනත් විදියකට කියනවා නම් අන් අයගේ අවධානය ලබාගන්න අර ඉහත කියන්නට යෙදුනු සිතුවිලි සමාජ ජාල බිත්ති වල අලවන්නට පෙළඹෙන්නේ.., මේ අත්දැකීම මටත් පොදුයි.., මොකද මේ දේ මමත් කරලා තියෙන නිසා.., ඇත්තටම ඉන් අපිට අවධානය ලැබෙනවා.., වැටෙන කොමෙන්ටු වලින් හිතට පොඩි හරි ශක්තියක් ලබෙන බව නොකියාම බෑ. ඒත් ඉන් ඔබේ අනික් පස හිඳින පාර්ශවයට වෙන්නේ හිත් තැවුලක් නම්, දුකක් නම්, වැරදි අරුත් ගැන්වුමක් නම්, අර පිටස්තර [තමන්ගේ නොවන අයගේ] අවධානය ලැබීමේ අගය අපතේ යනවා නේද??
මේ ළඟකදී මම දැක්කා මගේ ඉතාම පරණ පාසල් කාලයේ මිතුරියක් Google Buzz එකේ සිය පෙම්වතාගේ ගැටලුවක් ගැන යමක් කියා තියෙනවා.., එයට ඇයගේ පැත්තට පක්ශව ඉතා හොඳ සංවේදී අදහස් දැක්වීමක් කර තියෙනවා මිතුරන් විසින්. ඒත් එහිදී ඇයට එකදු උත්තරයක් වත් පෙම්වතාගේ පාර්ෂවයෙන් ලැබුනේ නෑ. ඈ අදහස් කලේ පෙම්වතාගේ අවධානය දිනාගනීම වුවත් දැන් පෙම්වතා හැරෙන්නට ඉතිරි හැමදෙනාගේම අවධානය ලැබී තිබෙනවා.., ඒත් මේ ක්රියාව නොකර සිය පෙමවතා සමඟ සාම්ප්රදායිකව මුහුණලා කතා බහ කලානම් මේ වන විටත් දෙදෙනාම සතුටින්..,
කාලයත් සමඟ යාවත්කාලීන වීම අවශ්යයෙන් ම කල යුතු දෙයක්. ඒත් අපේ හිත් ගන්නා වූ ඒ සුන්දර හරයන් රැකගෙන..!
ජය!
Friday, May 13, 2011
ඔබට කල හැකිදෑ බොහෝය. මේ ඉන් එකකි..!
සමාජය තුල කතා බහට ලක්වෙන ඉතා ඉහල ජන ප්රසාදයක් දිනාගත් මාතෘකාවක් තමා කුටුම්බය එසේත් නැතිනම් පවුල නැමති කුලකය ආශ්රිතව ගොඩ නැගෙන සාකච්ඡාවන්. මේ හේතුව නිසාවෙන් ම ලොවට විවිධාකාර නිමිතින් ඇති කරගෙන ලොව වටා යහපත් දරු පවුලක් ගොඩ නැගීම උදෙසා ලොව පුරා මේවන විට දරුවන්ට, මව්වරුන්ට, පියවරුන්ට, විශේෂයෙන් කාන්තාවන් උදෙසා විවිධ සංවිධාන , සැමරුම් දින, පුවත් පත්, රූපවාහිනී වැඩසටහන් මේ ආදී නොයේක් වර්ගයේ මාධ්යයන් තුලින් මේ පිළිබඳ හඬක් නැඟීමට ලොව පුරාවට විවිධාකාර ජනීජනයා එක්කාසු වෙමින් සිටියත්, සත්ය වශයෙන් ම අප ප්රධාන ප්රවාහයෙන් බලාපොරොත්තු වන ආකාරයේ සාධාරණයක් මේ අකටයුතුකම් වෙනුවෙන් ඉටු වෙනවාද..???
අප මේ වන හිංසනයන් සහ කරදර සියල්ල එක කුලකයක් ලෙස ගතහොත් ඉහත පැවසී කාරණා සියල්ලේදීම අසාධාරණයට පත් වන එක පොදු සාධකයක් පවතියි. ඒ එම පවුල් වල ජීවත් වන, ජීවිතය ජීවත් කරවන මව, නැගෙණිය, බිරිඳ, පෙම්වතිය ආදී විවිධ නාමයන් ගෙන් අප හඳුන් වන කාන්තාව නැමැති සාධකයයි.
කල්පනා කරන්න..,
වර්තමානයේදී ඔබ ඔබේ නැගෙණියව, බිරිඳව කුමක් හෝ අවශ්යතාවන් නිසාවෙන් එළියට [පිටත ලෝකයට] යවත්දී මොනතරම් කල්පනා කරනවාද..?
මේ අවස්ථාව වන විට සැමියන්ගේ වැරදි නිසා කොතරම් නම් කාන්තා චරිත දික්කසාදය නැමැති අපුල වචනය ක්රියාත්මක කිරීමට සිය සිත් හරවාගෙන සිටිනවාද..?
පොදු ප්රවාහන සේවයක ගමන් ගනිද්දී විවිධාකාර පුද්ගලයින් අතින් හිංසනයට ලක්වන කාන්තා චරිත උදෙසා සාධාරණය ඉටුකරන්නට කොතරම් හෝ සමාජ, සංවිධාන තිබුණද සත්ය වශයෙන්ම එම සංවිධාන වලින් ඒ ජීවිත වලට ඔවුන් බලාපොරොත්තු වන සාධාරණය මේ වන විටත් ඉටුවී තිබෙනවාද??
මේ ලිපිය ලියනා මොහොත වන විටත් සිය සේවා ස්ථානය තුල හෝ ගෘහස්තව හෝ හිංසනයට ලක්වන කාන්තා චරිත කොතරම් ඇතිද..??
ඉතින් සත්ය වශයෙන්ම පිළිතුරු ලැබී නොමැති මේ ගැටලුවට, සුලුවෙන් හෝ විසඳුමක් දෙන්නට ඔබ තවමත් පමා නැහැ. සියලු දෙනාම එකතුවී එක හඩින් මේ හිංසනයන්ට පිළිතුරු දෙන්නට හැකියාව තිබේනම් කාන්තාව නම් වූ ඒ මවුවත් චරිතයට සාධාරණය ඉටුවෙන කාලය දුර ඈත නෑ.., ඒ අප අසලමයි..,
මේ පිළිබඳ ව වර්තමානයේ තොරතුරු තාක්ෂණයේ පහස ලබන අය ලෙසින් අපට කල හැකි දේ බොහොමයි..,
තාර්කිකව සිතා බලා, නිර්මාණශීලීව මේ පිළිබඳව සමාජයට උපදේශයක් ලබාදෙන්නට මේ වෙසක් පොසොන් මාස තරම් ගැලපෙන වෙනත් කාලයක් ශ්රී ලංකාවේ අපට වෙන නොමැති බවයි මගේ නම් හැඟීම. අප නිදර්ශනයක් ලෙස අනාදිමත් කාලයක සිට අප කරන්නා වූ ආමිස පූජා වල තවත් එක පූජාවක් වූ තොරණ නැමති සංකල්පය මේ සඳහා යොදාගැනීමට ඉතා යෝග්ය බවයි මගේ මතය.., සාම්ප්රදායිකව අප ජාතකකතාවක් ගෙන හැරපාමින් සමාජයට දෙන පණිවුඩය මෙවර නව මානයකින් බලා ජාතකකතාව යොදානොගෙන මම මේ ඉහත පවසන්නට යෙදුනු කාන්තා හිංසනය නම් වන මේ සමාජීය පිළිලය සමාජය තුලින් තුරන් කිරීම උදෙසා තොරණ නම් වන මේ මහඟු කාර්යය අපට ඉතා සාධනීය ලෙස යොදාගන්නට කිසිදු තහනමක් බුදුදහමේ වත් නැහැ.
ඉතින් මේ ආකාරයෙන් අපට අප සමාජයට ලබාදියයුතු පණිවුඩය සමාජය තුල උස්ව නඟා සිටුවන්නට තරුණ අපට මේ වෙසක් මාසය තුල ආත්මීය වශයෙන් ඉදිරිය බලා ගමන් කිරීමට ඉතා ප්රගතිශීලී පියවරක් වෙනවාට කිසිදු සැකයක් නැහැ..!
එන්න එකතු වන්න..,
මේ වෙසක් සමය තවත් අරුත්බර පිංවන්ත එකක් කරන්නට..!!
ඔබ සැමට පින්බර වෙසඟක් වේවා..!!!
---------------------------------------------------------------------------------------------------------------------- 
ප.ලි► කාන්තා හිංසනය පිටුදැකීම මාතෘකාව කරගෙන මේ වන විටත් නවම් මාවත අසල පිහිටි බුද්ධ රශ්මි වෙසක් කලාපය තුල මේ වන විටත් තොරණක් ඉදිකරමින් පවතිනවා.., සුභ කර්තව්යයක් තවත් සාර්ථක කරගැනීම උදෙසා ඔබේ සහයෝගය face book පිටුවේ වාචිකව හෝ පැමිණීම සටහන් කර සහයෝගය දක්වන්නට කියා ඉල්ලා සිටිනවා..,
මේ පිළිබඳව සඳුන් ලක්මාල් විසින් facebook ඇල්බම අංක එක සහ දෙක තුල කර ඇති විවෘත ඉල්ලීමට පිළිතුරක් ලෙස සටහන් කරන්නට මේ පුංචි සටහන අවස්ථාවක් අරගන්නවා..,
ඔවුන්ගේ මේ උත්සහය අගය කරන්න..,
මක් නිසාද යත් ඔවුන් මේ නිහඬ සටන කරන්නේ ඔබේම මව, නැගෙනිය, බිරිඳ නියෝජනය කරන්නා වූ කුලකයේ අනාගතයේ සුරක්ෂිත බව සුලුවෙන් හෝ ආරක්ෂා කරන්නට නිසයි...!
----------------------------------------------------------------------------------------------------------------------
අමතර කියැවීම් සඳහා :
දුකා : http://goo.gl/n1LuF
අජිත් පැරකුම් ජයසිංහ W3 Lanka : http://goo.gl/q6mDY
----------------------------------------------------------------------------------------------------------------------
නවම් මාවතේ වෙසක් කලාපයේ ඉදිවන කාන්තා හිංසනය පිටුදකිමු තේමාව යටතේ ගොඩනැගෙන තොරණේ රූ වාර්ථා► 
Friday, April 1, 2011
මිනිසා වූ කලී...,
ගතිගුණ අතිනුත් ගත්කල විවිධ කුලක වලට අයත් වන සත්වයින් හට ඇත්තේ එක හා සමාන ක්රියාකරකම් වුව.., මනුස්සයාගේ එලෙස නැති. එකිනෙකාට වෙනස් ගතුගුණ ගිණිය නොහැකි තරමට ම මනුස්සයා විවිධාංග වලින් සජ්ජිත වෙති. අවිහිංසාව ගැන කතා කරතත්.., වැඩිම සත්ව සංහාරයන් වලට දායක වන්නේද මිනිසා ය. එමෙන්ම පරිසරය රැක ගැනීම ගැන කොතරම්ම ම පෙරමුණ ගෙන කටයුතු කරද වැඩිම පරිසර දූෂණය සිදුවන්නේද මිනිසා නැමති සත්වයාට පිං සිදුවන්නට ය.
කුලක ලෙස ගත් කල මිනිසුන් ඉතා ඉහල පරිමාණයකට වර්ග කල හැකිවේ. රටවල්, ප්රාන්ත, ගම්, නම්,පක්ෂ, සිරුරු වර්ණය මේ ආදී නා නා ප්රකාර ක්රමවේදයක් අනුකූලව එම බෙදීම් කලද සකල ලෝ වාසී මනුසතුන්ට සම්පාත වන එක ගුණාකාරයක් ඇත. ඒ රුධිර වර්ණයයි. ලේ ගලන්නේ එකම අතට වුව මිනිසුන් වඩාත්ම අසංවේදී මේ ඉහත කියන්නට යෙදුනු පොදු සාධකය අරභයා ය.
තවද ගැහැණියක හා මිනිසෙකු එක්ව ඉදිරි ජීවිතය සඳහා කුටුම්භ කරණය වන එක්තරා අවස්ථාවක් පවතී. එය විවාහය නමින් හඳුන්වයි.., විවාහයට පාදක වන පුද්ගල සංවේදනාව ආදරය නමින් හඳුන්වතත්.., විවාහ පවත්වන සෑම අවස්ථාවක මේ මූලධර්මය පාදක වෙන්නේ නැති. ඒ වෙනුවට ධනය, ලොභය, කාමය මේ ආදී නෙක හේතූන් පාදක වෙන අවස්ථා අවට ලොව සුසර කෙරුමෙන් උවමනා තරම් සොයාගත හැකියැ.
තේකක් වුව සීනි උවමනා තරමට වඩා වැඩි වූ විට තේකක් වුව අපුල වේ. කසාදය ද එසේ ම ය. අපුල වු විවාහ ජීවිත ඇත්තත් සිය සහයකයාට අමතරව අයෙකු හා සම්බන්ධයක් පවත්වනවා නම් ඒ නව සම්බන්ධය "අනියම්" එකක් ලෙස ලේබල ගත වේ.., අදාල තත්වය දරා ගැනීමේ අගය පසුකර යන විට ඇතිවන මානසික පීඩනය කරණකොට ගෙන ගන්න නීතිමය ක්රියාමාර්ගය "දික්කසාදය" ලෙස ලේබල ගත වෙතත් පසුව කරුණු කාරණා තේරුම් ගිය පසු හෝ වන්දියක් ගෙවා ඉවත් වන්නට වත්කමක් තමා සතු නොවන අවස්ථාවන් හිදී අදාල සිද්ධිකාරකයෝ එකතුවන අවස්ථා ද නැත්තේම නොවේ.., සාහිතවාදියෝ "කසාදය දික් වූ විට දික්කසාද වෙනවාද..?" යන පෙණුමින් විදග්ග එනමුදු අතිශය මැටි ප්රකාශය කරන්න පුරුදුව සිටින නමුදු උන්ගේ ජීවිත බහුතරය තනිකම පාදක මනුස්සකම් ඔස්සේ වැටී ඇති බව තේරුම් ගත යුතුවේ.
ලෝකය තුල මේවන විට බොහෝ ස්ථාන වල ව්යාප්ති වී ඇත්තේ පීතෘ මූලික සමාජයන් වුව.., විවිධ ගෝත්ර හරහා සමාජය අවට ලොව හා බද්ධවන අවස්ථාවන් හිදී ඒ මාතෘ මූලික හැඩයක් ගනී. ඒ බොහෝ තැන් වල පිරිමියා කුටුම්භරක්ෂා කරන්නා යන චරිතයත් ගැහැණිය ගෘහණී, බිරිඳ, මව යන තුන් අවස්ථාව තුල විකාශනය වන චරිතය රඟන්නට පටන් ගැනීමත් සමඟය. එහිදී [අදාල තැනින් තැනට] භාවිතා කරන භාෂාව ද වෙනස් වීම් වලට ලක්වන බව අපට නිරීක්ෂණය කල හැකිය. නිදසුනක් ලෙසට.., විවාහයට පෙර පෙම්යුවලක්.., ඔයා මෙයා බබා සුදු මේ ආදී නෙක මෘදු වදන් භාවිතා කරන අතරම විවාහයෙන් ටික කලක් ගෙවුන තැන.., පිරිමියාගේ/ගැහැණියගේ නමින් හෝ මේ, ඒයි ඕයි වැනි වදන් හෝ ඊටත් එක ගිය වදන් භාවිතා කරන ආකාරය අපට නිතර හමුවන සමාජයෙන් උකහා ගත හැකිය. මීට අමතරව සිය කුරුම්භයට නව සාමාජිකයෙක් එකතු වීමෙන් පසුව බොහෝ තැන්වල [තවමත්] පුතාගේ අම්මා/ දුවගේ අම්මා හෝ දුවාගේ තාත්තා/දුවාගේ අම්මා යන නම් වලින් දම්පතීන් හඳුන්වා ගන්න අවස්ථා දුලභ නැති.
මේ ආකාරයෙන් තමාගෙන් උත්පාද වූ දරුවාන් හරහා ජණනය වන පරපුර ඊට ඉහලින් සිටින පරම්පරාව මුණුබුරු මිණිබිරියන් ලෙසත් පහලින් සිටින පරපුර තම ඉහල සාමාජිකයන් ආතා, ආච්චි යන නම් වලින් ද හඳුන්වනු ලැබෙත්. තවද පරපුරෙන් පරපුරට පැවත එන දේපල තමාගෙන් පසු ප්රයෝජන ගනිමින් පවත්වාගෙන යාම සඳහා අදාල අවස්ථාව වන විට ශක්තිවන්තව සිටිනා සාමාජිකයන් ට පවරන ගුණය සත්ත්ව ලොව එකදු සතෙකුට වත් නොමැති මනුසතා ට පමණක් ම ආවේණික වූ ගුණයකි.., මේ අකලංක පරිත්යාගී බවට මනස සුසර කරවන ජානය තවම ලොව විසින් අඳුණා ගෙන නැතත්.., කල් ගොසින් හෝ අඳුණා ගතහොත් ඉන් මනුස්ස ජීවයට අත්වන්නේ මනා වාසියකි.
ඉහතින් පවසන්නට යෙදුනාසේ සිය ජීවන සහකරුවා තෝරාගන්නට සිය මනාපය පුද දීම ප්රේමය නමින් හඳුන්වන අතර ම, වෙසෙන රට පාලනය කරන්නට සුදුස්සා තෝරන්නට සිය මනාපය පුද දීම ඡන්දය නමින් හැඳින්වේ. තනතුර බලාපොරොත්තු වන්නා අපේක්ෂකයා නමින් හඳුන්වන අතර මනාපය ලබාදෙන්නා දායකයා ලෙස නාම ගත වෙයි. මනාපය ලබාගන්නා විසින් මනාපය ලබාදෙන්නා අන්දන අවස්ථා ඇතත් හැම ගහටම කොට කොට යන කොට්ටෝරුවාගේ හොට කෙහෙල් ගහට කෙටූ පසු කෙලවීමේ සිද්ධාන්තය සත්යක් කරමින් මනාපය ලබාගන්නාවුන්ට කෙලවීමේ අවස්ථා අවට ලොවේ සුලභය.., අයිවරි කොස්ට් සිද්ධිය ඊට නිදසුන් වේ.එවැනි ඉහත කියන්නට යෙදුනු ඊනියා මනාප භක්ෂකයින්ට දේසපාලුවා යන නාමයද භාවිතා කරන බව ප්රකට කාරණාවකි.
තමාගේ මනාපය හිමිකරගත් පුද්ගලයා කුටුම්භරක්ෂකයා වූ පසු අවට ලොව සමඟ ගනුදෙනු කරන්නා වූ මාධ්යය හඳුන්වන්නේ මුදල් යන නමින් වේ. රට රටවල් අතර විවිධාකාර නාමයන්ගෙන් සජ්ජිතව විවිධාකාර මාධ්යයන් ගෙන් මුදල් යන සංකල්පය හුවමාරු වෙතත් සසිරිපිරි මෙ සිරිලක ඉහතින් කියන්නට යෙදුනු ඒකකය රුපියල් යන නාමය අත්පත් කරගෙන ඇත. ජනතාවට සේවය කර ගසාකන්නේත්, සමහර ගණින්නාන්සේලා සිවුරු පුරවාගෙන ආගමේ නාමයෙන් ගොඩගසන්නේත් මේ ඉහත කී රුපියල් ම ය.
සමහරුන් හට එක තත්ත්පරයක් තුල හම්බ කරනා මුදල උපයන්නට තවකෙකුට කල්පෞඅක් යයි., අසාධාරණව හරි හම්බ කරන මුදල ජරාව ලෙසත්.., මහන්සියෙන් හම්බ කරන මුදල රන් මරු ලෙසත් රට්ටු නාම ගත කලත් .., ජරාවද රන්මසු වන අවස්ථා නැත්තේ නොවේ. ඒ කලු සල්ලි නීත්යානුකූල කිරීමෙනි. වරෙක රට කරවන කෙනෙකු අස මුදල් ඇමැති කම් කල ඇන් ඇම් විසින් කලු සල්ලි නීත්යානුකූල කරන්නට යාම නිසා අපේ පෙට්ටගම් අස්සේ තියා රක්ෂාකල සල්ලි අපේ ආතා ආච්චිලාට පුච්චා දමන්නට වීම වැනි කරදර අතීතයේ වී ඇති.., යම් දෙයක් ගැන ප්රමාණවත් දැනුමක් නොමැති වීම අනවබෝදය හෝ මෝඩකම යන නම ලබාදෙන්නේ මේ හේතුව නිසා විය හැකිය.
කෙසේ වුවත් සමාජ පරිවර්තන හා කරදර අතර ගෙවන ජීවිත වලට කාලයේ පුලින තලාවන් අතර ගෙවී යාම වියපත් වීම හෙවත් වයසට යාම නම් ලබයි.
ආසියා මහද්වීපය තුල සම්මත ආයු අපේක්ෂාව පිරිමි නම් 65ත් කාන්තා නම් 72ත් වන අතර.., මේ අතර ජීවිතය ගෙවන්නන් ඉහතින් කියන්නට යෙදුනු ජීවිත සංකීර්ණ කරන හේතු කාරක නිසාවෙන් ගැහැට වල පැටලෙති.., විසඳුම් සොයති කෙටියෙන් කියනවා නම් ජීවිතය හා හැප්පෙති. අවසන නිරුවතින් ලොවට ආ මිනිසා දුහුවිලි බවට පත්ව මේ ලොවින් චුත වෙති. මේ සරළ සත්යය අවබෝධ කරනොගනීම කරණකොට ගෙන සමහරක් මිනිසුන් ජීවිත අසහනය නොලබාම අවසානයක් කරා යති. තාවකාලික නිවහනක් වන මේ අත්භව පරිපූර්ණව අවබෝධ කරගත්තෝ සුගතියට පත්වෙති..! අවසන මේ සියල්ල බලා විමසා මේවාට පරිබාහිර විරුද්ධ අදහස් ඇත්තෝද රඟහල තුල සිය චරිත රඟ දක්වා අවසන ජීවන ජාලරයට එපිටින් තවත් චරිතයකට සැරසෙති..!
ජීවිතය එහෙමය.
Thursday, January 6, 2011
අතිශයින්ම “නිදහස් නිර්මාණකරුවන්”ට පමණයි!
නිර්මාණයක් කිරීමේදී කොපමණ මුදලක් ඩිසයින්ර් කෙනෙකු විදියට කොපමණ මිලක් නිර්මාණයක් සඳහා අයකරනවද කියන ගැටලුව ගොඩක් නිදහස් නිර්මාණ කරුවන්ට තියෙන ගැටලුවක්.., ඇත්තෙන් ම එය ඉතාමත් උත්තර දෙන්නට අපහසු ගැටලුවක්, පෞද්ගලිකව මම සමහර වෙලාවට කෙනෙකුට [යාලු මිත්රකමට හැරෙන්නට] නිර්මාණයක් කරදෙන විටකදී මේ ගැටලුවට මුහුණ දෙන වාර අනන්තයි.
එහෙත් මේ ගැටලුව සඳහා සියලු කොටස් ආවරණය වන සේ නිවැරදිව පිළිතුරු දෙන්නට කිසිවෙක් ඇත්තෙන්ම සමත්වෙලා නැත්තේ මේ වෙනකොටත් ලංකාව ඇතුලත නිදහස් නිර්මාණ කරුවන් සඳහා වූ වෙළඳපොලක් නිර්මාණය වී නැති නිසයි. [මෙය සියලු ක්ෂේත්රයන්ගේ නිදහස් වෘත්තීයවේදීන් මුහුණ දෙන ගැටලුවක්]
නමුත් අපි යම් නිපැයුමක් සඳහා මිලක් නියම කරනකොවිට කිසියම් මාර්ග නිර්දේශයනයක් [Guidelines] ඇතුලත ඒ මිල නියම කිරීම පවතිනවා නම් සාමාන්යයෙන් නිදහස් නිර්මාණකරුවන් හට සේවාදායකයන් සොයා ගැනීම එතරම් අපහසු වෙන්නේ නැහැ.
ක්ෂේත්රයේ වන පලපුරුද්ද
සාමාන්යයෙන් ක්ෂේත්රයේ වන පලපුරුද්ද, යම් කිසි නිර්මාණයක් සඳහා අප නියම කරන මිල සාධාරණය කරන්නට ගොඩාක් ම හේතුවන අවස්ථා තියෙනවා.., නිදසුනක් විදියට වෙළඳ ප්රචාරණ ක්ෂේත්රයේ වසර 30ක පමණ පළපුරුද්දක් තිබෙන නිර්මාණ අධ්යක්ෂ [Creative Director] කෙනෙකු ලබන වේතනය පාසල් හැරගිය ආධුනික නිර්මාණ කරුවෙකුට වඩා අතිශය ඉහල වෙන්නට තියෙන අවස්ථා ගොහොමයි.., සමහර විටෙක ඒ ආධුනික නිර්මාණ කරුවා අර ඉහත කියන්නට යෙදුනු නිර්මාණ අධ්යක්ෂකට වඩා නිර්මාණශීලී වෙන්නත් පුලුවනි.
යම්කිසි වෙළඳ නාමයක අනන්යතාව ට සරිලන තේමාවක් යටතේ යම් නිර්මාණයක් එළිදැක්වීම ට එක හා සමාන නිර්මාණශීලී බවකින් යුතු නිදහස් හා වෘත්තීමය කණ්ඩායම් දෙකකට ඉඩ ලැබුණායැයි සිතමු. එය දැන්වීම් ඒජන්සියක් හරහා කෙරෙනවා නම් එහි තේමාව හා අනෙකුත් ක්රමවේදයක් සැකසීමට ඒ ඒ අංග සඳහා දක්ෂකම් ඇති අයව භාවිත කරගන්නවා.., එවිට සේවාදායකයාට එම සංවිධානය වෙත හෝ ආයතනය වෙත ගෙවන්නට වෙන බිල්පතෙහි අගය ඉතා ඉහල එකක්.., ඒ එම ව්යාපෘතිය සඳහා පාදක වෙන අය ගේ අගය ඉතා ඉහල නිසායි.., එහෙත් මේ නිපැයුම ම නිදහස් නිර්මාණකරුවෙකු හරහා කරගන්නට මඟ පෑදුනොත් එම සේවාදායකයාට අත්වෙන ලාභය ඉතා ඉහලයි.., එහෙත් අවාසනාවකට ලංකාව තුල තවමත් සේවා දායකයින් නිදහස් නිර්මාණ කරුවන් ලවා සිය නිර්මාණ කටයුතු කරගන්නට බිය වෙනවා, ඒ නිර්මාණ කරුවන් නමින් සිටින සමහර අය කරන්නා වූ වගකීම් රහිත ක්රියා කලාපයක් වලට පින්සිද්ධ වෙන්නටයි.
කරන වැඩ කොටසට අනුව අයකිරීම
සමහර නිදහස් නිර්මාණකරුවන් හා සේවාදායකයින් තමාගෙන් ලබාගන්නා සේවයන් වලට අයකරන ගාස්තු ක්රමය එකිනෙකාගෙන් වෙනස් වෙනවා.., සමහර විට ඒ එකම ව්යාපෘතියක අතිරේක කොටසක් හා සේවය ලබාගන්නා සේවාදායකයා එක අයෙක් ම විය හැකි අවස්ථාවක් තුල.., නිදසුනක් ලෙස යම් කිසි භාණ්ඩයක් සඳහා ඇසුරුමක් නිර්මාණය කරගන්නට අප වෙතට එන සේවාදායකයා වෙතින් අප අයකරන මුදල සමහරවිට ඔහු එය මුද්රණයට දරණ වියදමට වඩා ඉහල වෙන්නට පුලුවනි.., එවන් අවස්ථාවක දී අප වඩාත් නම්යශීලී වී අදාල සේවාදායකයාටත් අපටත් සාධාරණ ආකාරයට අදාල නිපැයුමට මිල නියම කලෝතින් සමහර විට එම සේවාදායකයා අපගේ ස්ථීර සේවාදායකයෙක් වෙන්නට තියෙන ඉඩකඩ ඉහලයි.
වෙබ් හා අන්තර් සම්බන්ධ නිර්මාණ
සාමාන්යෙන් බහුමාධ්ය, ෆ්ලෑෂ් නිර්මාණ අශ්රිත නිපැයුම් වලදී සාමාන්ය HTML වෙබ් පිටු වලට වඩා ඉහල මිල නිර්මාණ කරුවන් විසින් අය කරනවා.., එහිදී වඩාත් ගුණාත්මක භාවයෙන් ඉහල නිපැයුම් ලබා ගැනීම සඳහා සේවාදායකයන් වෘත්තීමය නිර්මාණ කරුවන් වෙත යොමුවීම බොහෝවිට සිදුවෙනවා.., මේ යම් තරමකට හෝ වලකා ගන්න හැකියාව පෙර සේවාදායකයන් ගේ විශ්වාසය දිනා ගන්නට හැකියාව තිබෙන නිදහස් නිර්මාණ කරුවන්ට පමණයි.., මීට ඉහත දී අපි සාකච්ඡා කරන්නට යෙදුනු පළපුරුද්ද මෙහිදී වැදගත් කාර්යභාරයක් ඉටු කරනවා.
සේවාදායකයා
ඉතා විශාල සාධක ප්රමාණයක් සේවාදායකයා මත තීරණය වෙනවා..! සේවාදායකයා විසින් තමා වෙනුවෙන් අප නිර්මාණය කරන දෙයෙහි වටිනාකම තීරණය කරන්නේ අප විසිනෙම නිපැයුම කරන්න ට යොදන ශ්රමය හෝ නිර්මාණ කාලය මත නොව අප කල නිර්මාණය සේවාදායකයා වෙත ලබා දෙන තෘප්තිය මතයි.., අප කෙතරම් මහන්සි වී කරන නිර්මාණයක් වුවත් එය සේවාදායකයාගේ තෘප්තියට හේතු නොවෙනවා නම් අපගේ නිර්මාණයෙන් කිසිදු පලක් වෙන්නේ නැහැ [අය අපට වෙනත් දෙයකදී භාවිතා කරන්නට පුලුවන් වීම වෙනම දෙයක්..,එහිදී අපිට ඒ මුල් අවස්ථාවේ තෘප්තිය ලබාගන්නට ඇති හැකියාව අවමයි.] මෙයට විසඳුම ලෙස මම ඉදිරිමත් කරන්නේ යම්කිසි නිර්මාණයක් කරන්න්ට ප්රථම, සේවාදායකයා සමඟ අදාල ව්යාපෘතිය [සහ අදාල සාධක] පිළිබඳව සාකච්ඡා කර එකඟතාවකට පැමිණීමෙන් මේ ගැහැට යම් තරමකට හෝ අඩුකර ගන්නට ඔබා හැකියාව ලැබෙනවා..!
සේවාස්ථානයේ පිහිටුම
නිදහස් නිර්මාණ කරුවන් බොහොමයක් සිය නිර්මාණ වලට මිල නියම කිරීමේදී සිය සේවාස්ථානයේ පිහිටුම පිළිබඳ සලකා මිල නියම කිරීම බොහෝ තැන්වල සිදුවෙනවා.., එහිදී ප්රධාන නගර වලින් ඈතට වන්නට සිටින අයට වෙන්නේ අසාධාරණයක්.., මේ තත්ත්වය නගර ආශ්රිතව ජීවත් වන නිර්මාණ කරුවන් හට වාසිදායක අයුරින් බලපන්නේ සේවාදායකයන් බොහෝවිට නගරය ආසන්නව සිටීමත්..,එහිදී නිර්මාණ කරුවන් හට සේවාදායකයා හා සම්බන්ධවීමට ගතවන කාලය ඉතා අවම වීමත් නිසයි.
මුද්රණ හා අතිරේක ක්රියාවලීන්
බොහෝ නිර්මාණ ශිල්පීන් සේවාදායකයා වෙත තම වැඩකොටස වෙනුවෙන් මිල නියම කිරීමේදී අතිරේක සේවා සඳහාත් ගාස්තු අයකරනවා අපට දකින්නට පුලුවන් කාරණාවක්. නිදසුනක් ලෙස මුද්රණ නිර්මාණ කරුවා සිය වැඩකොටස හඳහා මිල නියමකිරීමේදී නියමිත මිලට වඩා 10%ත් 20% අතර ප්රමාණයක් අයකිරීම පෙන්වාදෙන්නට පුලුවන්.., මේ ක්රමවේදය කෙටිකාලීනව ඉතා ප්රතිඵලදායක වුවත් දිගුකාලීනව එය අහිතකර තත්ත්වයක් වන්නට ඇති ඉඩකඩ ඉතා ඉහලයි.
මෙයට අමතරව නිර්මාණයකදී පින්තූර සෙවීම, ඡායාරූපකරණ කටයුතු සහ අදාල ප්රවාහන කටයුතු සඳහා වැඩිපුර මිලක් අයකලත් සේවාදයකයා ඒවා අපට ලබාදීමේ අවාසිය කරණකොටගෙන අපට වෙන පාඩුව අතිමහත්.., මෙයට ප්රතිකර්මයක් ලෙස කලයුත්තේ ආරම්භයේදීම සිය අතිරේක අවශ්යතා පිළිබඳ සේවාදායකයා දැනුවත් කර තිබීමයි.., එවිට ඔවුන් තමන්ට වඩාත්ම ලාභ, පහසු ක්රමය තෝරාගනීවි.., එසේනොවීමෙන් වෙන්නේ අප සහ සේවදායකයා දෙදෙනාම අපහසුවට පත්වීම පමණයි.
මිල සූත්ර, හෝරාගත අයකිරීම් සහ ස්ථාවර අයකිරීම්
මගේ පෞද්ගලික අදහස නම් නිර්මාණ කරුවා තමා කරන වැඩ කොටස අනුව මිලක් නියම කරන එක. එය හෝරාගතව [Hourly Rates], සූත්ර ආකාරයෙන් හෝ ස්ථාවර ව අය කරන්නට පුලුවන්.., මෙහිදී අපි නිදසුනක් ලෙස වෙළඳ ලකුණක් නිර්මාණය කිරීම ගනිමු.., මෙහිදී ඔබට එය නිර්මාණය කරන්නේ කලින් සේවාදායකයා ලබාදුන් අදහසක් අනුව නම් ස්ථාවර මිලක් ද සංකල්පයක් උත්පාද කරවා එයට අනුව ඔබ සේවයේ යෙදේ නම් හෝරාගතවද මිලක් නියම කරන්නට පුලුවනි.., මීට අමතරව ඔබ අදාල නිපැයුම ලබාදෙන ගොණුහුරු [File formats] වලට වඩා අතිරේකව වෙනත් ගොණුහුරු වලින් අයදුම් කරනවා නම් ඔබට ඒ සඳහා මිල සූත්රයක් සේවාදායකයා වෙත ලබා දෙන්නට නිදහස තිබෙනවා.., එහෙත් කලින් ම සේවාදායකයා වෙතින් job එක ලබාගැනීම උදෙසා ඕනෑම වෙනස්කමක් කරන්නට එකඟතාවකට පැමිණී තිබේනම් ඉහත සංකල්ප අමතක කර සේවාදායකයා වෙත ඔබේ සේවය ලබාදෙන්න, මක් නිසාදයත් ගණුදෙණු කරුවා යනු සේවා සපයන්නන්ගේ [අපගේ] දෙවියන් හා සම බවට සලකන නිසාවෙන්..!
ප.ලි.►
මේ ලිපියේ වෙනස් විය යුතු කොටස් බොහෝ තිබෙන්නට පුලුවන්. එම නිසා මීට අමතරව ඔබතුල යම් නිර්මාණයක් කීරීම ගැන තිබෙන කියවීම [නිර්මාණකරුවෙකු ලෙස හෝ සේවාදායකයෙකු ලෙස] මීට වඩා වෙනස් නම් ඒ අදහස නොවලහා පවසන්න. ඒ අදහස් බෙදාගැනුම අපටම අප විසින් කරගන්නා උපකාරයක් වේවි.
Friday, October 8, 2010
ට්වේන්ගේ රසමුසු කතා
පහත උපුටනයන් ලබා ගත්තේ දෙල්තොට චන්ද්රපාල මහතාගේ රසමුසු කථා කෘතියෙනි.
අමාරු නැද්ද?
මාක් ට්වේන් බහුවිවාහයට එරෙහිව ලියූ ලිපියක් පිළිඹඳව වරක් එක් පුද්ගලයෙක් අභියෝග කලේය. බහු විවාහයේ වැරදි කීමට පිළිගතහැකි කරුණක් කියන්නැයි ඔහු ට්වේන්ට කීවේය.
"ඒක සුළු දෙයක්" කී මාක්
" හොඳයි මිනිසෙකුට අමාරු නැද්ද ස්වාමි වරුන් කීපදෙනෙක්ගේ අණසකට යටත්ව ඉන්න"
යැයි කීවේය.
පැමිණීමෙත් සිදුවීමෙත් සම්බන්ධයක් නෑ.
වරෙක එංගලන්තයට පැමිණි අවස්ථාවක, එදිනට පසු දින පුවත්පත් වල ඔහුගේ පැමිණීම ගැන "මාර්ක් ට්වේන් පැමිණෙයි" යන පුවතත් ඒ අසළම "රන් දුම් රිය කොල්ලකයි" පුවතත් එක ළඟ ප්රධාන පුවත් ලෙස පලවී තිබිණ.
මෙය දුටු ට්වේන් "මගේ පැමිණීමත් දුම් රිය කොල්ලයන් අතර සම්බන්ධයක් නැති බව පත්තර වල මහත්වරුන්ට කියන්න ඕනැ" යැයි කීවේය.
පින්තූරය දෙස බලාගෙන රැවුල කපනවා
සිය ජීවිත කාලය තුලදී මාක් ට්වේන් කොතරම් ජනප්රියව සිටියේද යත් බොහෝ අය තම ඡායා රූ එවමින් තමා මාක් ට්වේන් හා සමාන බව කීහ. මේ කරදරයෙන් හෙම්බත් වූ ට්වේන් ඒ හැමදෙනකු වෙත යැවීමට එක් ලිපියක් මුද්රණය කරගත්තේ ය. ඒ මෙසේය.
"හිතවත් මහත්මයාණෙනී, ඔබේ ලිපිය හා රූපය එවීම පිළිබඳව ස්තූතිය පුදකරන අතරම මා වාගේ කියන අනෙක් අයට වඩා ඔබ මා හා බෙහෙවින් සමාන බව පෙනේ. මම දැන් ඔබේ රූපය මා ඉදිරියෙන් තබාගෙන රැවුල බැමට පුරුදුව සිටිමි"
දේශනයක් තියෙනවාලු! බිත්තරත් විකුණුවා!
වරෙක ර්වේන් ඈත කුඩා නගරයකට දේශනයක් සඳහා ගියේය. නගරයේ කිසිම තැනක ඔහුගේ දේශනය ගැන වූ දැන්වීමක් නොවීය. පුදුමයට පත් ට්වේන් නගරයේ තිබූ විශාල වෙළඳ සලකට ගොස් එහි අයිතිකරු හමුවිය.
"අද සවස නගරයේ දේශනයක් තියෙනවා කියන්නේ ඇත්තද?" මාක් විමසීය.
"මට ආරංචියි දේශනයක් ද මොකද්ද තියෙනවා කියලා. ඇත්ත වෙන්න ඇති. අද බිත්තර සැහෙන්න විකුණුණා" වෙළඳසල් හිමියා පිළිවදන් දිනි.
මකුළුවා සොයන දේ
අමෙරිකාවේ මිස්යුරි හි පුවත්පත් කතෘව කලෙක දිනක් පාඨකයෙකුගෙන් ඔහුට ලිපියක් ලැබිණි. තමන් මිලයට ගත් පුවත්පතේ මකුළුවෙකු සිටි බවත් එය අසුභ ලකුණක් ද? යන්න ඉන් අසා තිබුණි.
ට්වේන් සිය අදහස ලෙස
පුවත්පතේ මකුළුවෙකු සිටීම සුභ හෝ අසුභ ලකුණක් නොවේ . එම මකුළුවා විපරම් කර බලන්නට ඇත්තේ අපේ පත්රයේ දැන්වීම නොදමන වෙලෙන්දා කවුරුන්දැයි සොයාබලා එතැනට ගොස් ඉදිරිපස දොරටුවේම දැලක් වියාගෙන කාටවත් කරදරයක් නැති නිස්කලංක ජීවිතයක් ගත කිරීමට විය හැකියැ' යි ලියා යැවීය.
බිෂොප් වරයාට ට්වේන්ගෙන් තෑග්ගක්
ඉරුදින උදයේ දේවස්ථානයට ගිය මාක් ට්වේන්ට සවන් දෙන්න ලැබුණේ ඇල්බනි හි බිෂොප් ආචාර්ය ඩෝවන් තුමාගේ දේශනයකට ය.
දේවමෙහෙය අවසායේ බිෂොප්තුමා වෙත ගිය ට්වේන් මෙසේ කීවේ එතුමාගේ දේශනය අගයමිනි.
"කාලයකින් අහපු හොඳ දේශනයක් ආචාර්ය තුමා.., ඒත් ඔබතුමාට කිව්වම මොකද, ඒ දේශනයේ කියපු හැම වචනයක් ම තියෙන පොතක් මගේ පුස්තකාලයේ තියෙනවා නෙව."
"වෙන්ඩ බැහැනේ එහෙම පොතක් තියෙනවා නම් මම ඉතා සතුටුයි එය කියවන්නට" බිෂොප්තුමා පුදුම වී කීවේය.
පසුදින උදයේ නිවසේ තිබූ ශබ්දකෝශය බිෂොප් තුමා වෙත යවන්නට කටයුතු කලේය.
දෙපැත්තේම මිතුරන් සිටින බව
වරක ට්වේන් සහභාගි වූ සාදයක් රැස්වූ අය අතර අපාය හා ස්වර්ගය පිළිබඳව වූ කතා බහ කෙමෙන් කෙමෙන් වාදයක් බවට පත් විය. එහි සියි කාන්තාවක් පැත්තකට වී නිහඬව මේ දෙස බලා සිටි මාක්ට්වේන්ගෙන් මෙසේ ඇසුවාය.
"ඔබතුමා මොකද මේ ගැන වචනයක් වත් කතා නොකර ඉන්නේ?"
"මට එක පැත්තකට වත් කතා කරන්න බැහැ. ඔය දෙපිලටම මගේ යාලුවෝ ගිහින් ඉන්නවා."
Tuesday, August 24, 2010
සනී මාමා
කාමරයේ කමිසය අඳිමින් සිටි මාව ලසියාගේ අඬ ගැසීමෙන් ඒ දෙසට යාමට මෙහෙය වීය. කොරිඩෝව දිගේ යනවිට එළියේ තව කවුරුන් හෝ සිටින බව ලසියාගේ හා රචියාගේ හඬ මැද්දට තවත් කීප දෙනෙක් ගේ හඬ මුසුවීමෙන් මට ඒ වන විටත් තේරී තිබිණි..!
අවසාන බොත්තමත් උඩම කාසයට දමාගත් මම එළියට පැමිණියෙමි..! මගේ අතින් අල්ලාගත් ලසියා ගෙදර ප්රධාන දොර ඉදිරියේ වූ හාන්සි පුටුවේ වූ පුද්ගලයාට මාව අඳුන්වා දෙන්නට විය..,
සනී මාමා මේ රචින්ත මතකයි නේ.., මේ මගේ වම් පැත්තෙන් ඉන්නේ ලීෂාන් මූ තමා මම කිව්වේ රත්නපුරේ ඉන්නවා කියලා..!
සනී මාමා මාදෙස බලා සිනහාසුනා මට යාන්තමට මතකය..! සමහර විට නැගීගෙන එන හාත්පස වූ අඳුර නිසා මට ඔහුගේ අව්යාජ සිනහව නොපෙනුනා දැයි මම නොදනිමි. ඒහෙත් ඒ සිනහවේ එකදෙයක් විය ඒ නොකැලැල් මිතුරුවත් බවයි. පැයකට පමණ පසුව පළමු විස්කි බෝතලයේ බාගයක් අවසාන වෙන්නය ඔන්න මෙන්න තිබියදී
" ලසියා මොකද කරන්නේ..?"
යැයි සනී මාමා ඇසුවත් සැවොම බැලූ නිසා මමද බැලුවත් එහි වෙනසක් නොවූ බැවින්.., මම බයිට් අහුරක් දමා ගන්නට අතපෙවීමි..,
ලිෂාන් උඹ දන්නවාද?
මොකද්ද..?
සනී මාමාට ඇස් පේන්නේ නෑ කියලා..?
මොකක්..?
මා වික්ෂිප්ත වීමි. ඒ වන විටත් සනී මාමා සිටියේ තුෂාර අයියා ගයන ගීයකට තාලය අල්ලමිනි..!
සනී මාමා පුදුම මනුස්සයෙකි.., අපේ වචනයෙන් කියනවානම් පොරකි. ඒ චණ්ඩි පාට්, තග නො එසේනම් කට්ටකම් නිසා නොවේ..! ලසියා කීවාසේ ඇස්නොපෙනෙන මානසිකත්වයෙන් බැලූකල අපට මැජික් වන දේවල් සනී මාමාට සාමාන්ය සිද්ධි වන නිසාය.
උපතින් ම ඇස්නොපෙනෙන රෝගයකින් පීඩා විඳි ඔහු තරුණකල බෝතල් අඩි බෙහෙත් කණ්නාඩි දෙකක් දොස්තරවරු නිර්දේෂ කල ද ඒ නොපිළිපැදීම නිසා මෙසේ වී ඇතිබව මම අසා දැනගත්තේ අපේ මලියා ගේ පියා වන ලක්ෂ්මන් අංකල් ගෙනි..!
පුතා ඔය මනුස්සයා මාරම මනුස්සයෙක්.., එතකොට අපේ මලී පොඩි කාලේ මේ ගෙදර හදන්න පටන් අරන් තිබුණේ.., මම මලීව අරගෙන මොන්ටිසෝරි එක්කගෙන යන්න පාරට බහිනකොට සනී අයියා එනවා ඉස්සරහට..,
”අහ් මම හිතුවේ නංගී දුවව එක්කගෙන ඉස්කෝලේ ගිහිල්ල ඇති කියලා., මොකද.., ගෙදර වැඩකරන බාසුන්නැහේලට තේවතුර ටිකක් වත් අරගෙන දෙන්න උවමනා නිසා.., බැරිවෙලාවත් නංගී එන්න පරක්කු උනොත් එහෙම..!"
සුනී ඇන්ටී අප හා කියන්නී අපිරිමිත වූ භක්තියෙකිනි..! දෙනෙත් නොපෙනෙන තබා දෙනෙත් හොඳින් පෙනෙන් අයෙකු වත් මේ වැනි ව දුරදිග බලා සිතන්නේද යන්න මට අදටත් ගැටලුවකි.
සිය මිතුරන් අතරේ සනී මාමා සිටින්නේ සියල්ල පෙනෙන දෙඇසක් පෙනෙන්නෙකු ලෙසයි.., එතරම්ම ම ඔහුගේ විඥ්ඥාණය තියුණුය.
මට අදටත් හිතාගන්න බැහැ පුතා සනී අයියා කොහොමද අඳුණගන්නේ කියලා අපි කැස්සත් ඇති.., සනී අයියා.., ලක්ෂ්මන් මොකෝ..? කියලා අහන්න..,
වැඩිය ඕනේ නැහැ පුතා ඊයේ අපි සෙට් උනා දවසේ..,
ලන්ෂ්මන් අංකල් මේ කියන්නේ අපේ පෙරදා සෙට්වීම ගැනය..,
මම සිගරට් එක පත්තු කරගන්න සනී අයියාගේ අතේ තිබ්බ සිගරට් එක ගත්තා.., එතකොට ම
ලක්ෂ්මන් මල්ලී මේ උඹද..?
මට ඒකනම් මාර ම මාර විදියට වැදුනා පුතා.., අපේ එකම එක පොඩිම පොඩි දැනීමකින් විතරක් සනී අයියා කොහොමද අපිව අඳුණ ගත්තේ කියන එක මට අදටත් ප්රෂ්ණයක්..!
සනී මාමා දකින විට මගේ හිතට එන්නේ ඉඳ්රජාලිකයෙකු දුටුවා වැනි අමුතුම හැඟීමකි. ඒ අපි බලාසිටින කරන විට අප පුදුමයට පත්වන්නේ සනීමාමාට ඒවා සාමාන්ය වන නිසාය.
මේ මනුස්සයා ඒ තරමට ම මනුස්සකමින් අඩුවක් නැති අපූරු මනුස්සයෙකි..! මේ බ්ලොගේ ඔහු වෙනුවෙන් මේ සටහන ලියැවෙන්නේ මලීගේ පියා හරහා අඳුනාගත් ඒ මනුස්සකම ට මල්මිටක් ලෙස ය.
රූප සම්මාදම: රචින්ත ජයවර්ධන
Tuesday, June 15, 2010
දුක්ගන්නාරාළලා කියන්නේ කාටද..?
අතීත සිංහලය හෙවත් කන්ද උඩරට රාජධානියේ රජතුමාගේ පුද්ගලික වැඩකටයුතු කරන සේවකයෝ නැතිනම් රාජ පුරුෂයෝ හැඳින්නුවේ දුක්ගන්නාරාළලා නමින්. ඔවුන් හඳුන් වන්නට යොදාගත් විශේෂිත නාමය නම් "අප්පුහාමි" යන නමයි. උසස් යැයි සම්මත පවුල් පසුබිම් වලින් පමණක් තෝරාගන්නට යෙදුනු මේ නිලධාරීන් විටෙක "මහත්තයා, නිලමේ" යන නම් වලින් සිවිල් සමාජයේ ආමන්ත්රණය කරන්නට වුනා. රජතුමා ඔවුන්ගෙන් බලාපොරොත්තුවූ ප්රධානම දේ රාජපාක්ෂික භාවයයි. මේ හේතුව නිසාම රජ මාලිගය ට සම්බන්ධ ප්රධානතම අංශ තුනක් වූ සැතපෙන ගේ, රන් ආවුද මණ්ඩපේ සහ අතපත්තු මුරපොල යන කොටස් තුන ඔවුන්ගේ සේවයට නියම වූ ඒවා වූවා.
සැතපෙන ගේ යනු රජතුමාගේ නිදන කුටිය සහිත ගොඩනැගිල්ලයි. රජවරු හා සිටි දුක්ගන්නාරාළලා නිශ්චිතවම මේ යැයි කියන්නට තරම් හැමදෙනාට ම එක ප්රාමාණික සංඛ්යාවක් සිටියේ නැහැ. එනම් අප්පුහාමිලා ගණන නියමිත නැහැ.රාජාධිරාජසිංහ රජුදවස සිටි සැතපෙන ගේ අප්පුහාමිලා ගණන 42ක්, කීර්ති ශ්රී රාජසිංහ රජුදවස ඒ ගණන 160ක් වූවා. ශ්රී විජයරාජසිංහ රජතුමා යටතේ සිටි ගණන 170ක්. පළමුවැනි රාජසිංහ යටතේ 81ක්, ශ්රී වික්රම රාජසිංහ රජු දවස 48ක් ලෙස වෙනස වන්නට වුණා. ඔවුන් සේවයේ යෙදුනේ රජු සැතපෙන ගෙයි බරඳය වටා වූ මුර ක්රමයකට යටත්වයි.
මේ සේවා ක්රමය කාණ්ඩ වශයෙන් පැවරී තිබුනේ වගකීමක් ඇතිවයි. බොහෝවිට සැතපෙන ගෙයි ඉදිරිපිට "ඉලුක්කොලේ" නම් ආයුධ අතදැරූ කණ්ඩායමක් වූවා. ඔවුන්ගේ කාර්ය ය වූයේ රජතුමාගේ නින්දට බාධා නොවන ලෙස අවට ඇතිවා ශබ්ද නතර කිරීමට වගබලා ගැනීමයි. තවත් කණ්ඩායමක් රජු හදිසියේ අඬගැසූ විට රජුට ඇවැසිදේ සපයන්නට සූදානම් කර තිබුණේලු. මේ විදියට සේවයේ නිරත වෙන අප්පුහාමිලාගේ විශේෂත්වයක් වූයේ ඔවුන් සියල්ලම රක්ත පැහැති මුකවාඩමින් සැරසී සිටීමයි. ඉන් සමහර විට අප්පුහාමිලාගේ නිශ්ෂබ්ධතාවය පවත්වා ගැනීම බලා පොරොත්තු වූවා යැයි සිතිය හැකියි.
හැමවිටම සැතපෙන ගෙයි සේවයේ නියුතු දුක්ගන්නාරාලලා සැරසුනේ නියමිත නිල ඇඳුමින්. ඒය රතු මුඛවාඩමෙනුත් ධවල වර්ණිත වේට්ටියකින් සමන්විත වී තිබුණා. නායකයා ලෙස ඔවුන් අතර මුහන්දිරම් කෙනෙකු සේවයේ යෙදී ඇති අතර වැඩකටයුතු පැවරීමට හා දෛනික වාර්තා තැබීමට ලේකම් වරයෙකු ද විය., ඔවුන්ගේ අධීක්ෂණය කලේ කංකානම් වරුයි.
රජතුමාට සිය ජීවිතය කැපකල දුග්ගන්නාරාළලා
රජතුමාට විරුද්ධව සමහර වකවානු වලදී දුග්ගන්නාරාළලා නිසා රජවරුන්ගේ ජීවිත පවා ආරක්ෂා වූ අවස්ථා ගැන ඉතිහාසයේ කියැවෙනවා. එවිට ඔවුන්රජු වෙනුවෙන් තම දෙවන රාජසිංහ රජතුමා නිල්ලඹේ නුවර සිටියදී එතුමාට කුමත්රණයක් අඹන්වෙල රාළ යටතේ ඇති වුනා.එහිදී හොර රහසේම රජ මාළිගාවට ඇතුළු වූ කුමන්ත්රණ කරුවන්ගේ මූලික අරමුණ වූයේ රජතුමා සැතපෙන ගෙයිදීම මරාදැමීමට යි.ඒ අවස්ථාවේ අලුවිහාරේ වනිගසේකට මුදියන්සේ පරපුරට අයත් දුග්ගන්නාරාළ කෙනෙකු රජතුම වෙනුවට සයනයේ වැතිර හිඳ කුමන්ත්රණකරුවන් අතින් මැරුම් කන්නට වුණා. දෙවන රාජසිංහ රජතුමා සිය පිරිවර සමඟ හඟුරන්කෙතට පලා ගියා. එහෙත් සමහර රජවරු දුග්ගන්නාරාළවරු ලෙස වෙනත් ජාතීන් යොදාගත් අවස්ථා අපට හමුවනවා. ශ්රී වික්රමරාජසිංහ රජතුමා සිය සැතපෙන ගෙයි සේවයේ නියුක්ත කරතිබූ දුග්ගන්නාරාළවරු 48 දක්වා අඩුකලා ඒ.., සිංහල සේවකයන් පිළිබඳ ඔහු දැක් වූ තද අවිශ්වාසය නිසාවෙන්.., ඒ වෙනුවට ඔහු යොදාගත්තේ වෙනත් ජාතීන්වයි. ඒ නමුත් රජතුමාට පිළිමතලව්වේගේ මෙහෙයවීමෙන් වූ රාජ්ය කුමන්ත්රණයකට මුහුණ දෙන්න වුණා. එහිදීත් රජතුමාගේ දිවි බේරී ඇත්තේ දුග්ගන්නාරාළ කෙනෙකු සිට ඇති නිසායි. රටතුල පවතින ගැටලුකාරි තත්වය සිය හිසේ ආතතියක් බවට හරවාගේ ඉන් මිදීම සඳහා පමණ ඉක්මවා මීවිතෙන් සප්පායම් වී සිට රාජසිංහ රජතුමාව මරන්නට පැමිණි බලවනතරාළ හා ජා මුහන්දිරම්ව ද අල්ලාගනු ලැබුවේ රජතුමාගේ සැතපෙනගෙයි සිටි දුග්ගන්නාරාළ කෙනෙකු නිසයි. මේ නිසා පෙනී යන්නේ රජතුමා ආරක්ෂා කිරීමට නිතර ම දුග්ගන්නාරාළවරු ජරු වටා සිටිමින් රජුව ආරක්ෂා කිරීමට සැදී පැහැදී සිටින් බවයි..!
අතපත්තු මුරපොල හෙවත් තපත්තු මඩුව පිහිටියේ රජ ගෙදරට නුදුරුවයි. ඔවුන්ගේ කාර්යය වූයේ රජගෙදර සේවයේ නියුතු අප්පුහාමිලාගේ හා වෙනත් නිලමේ වරුන්ගේ සේවය ඇරඹීම හා එහි නිමාව පිණිස වේලාව දැක්වීමයි. එය කලේ පැතැටියකට අනුව කාලය දැක්වීම ට ගණ්ඨාව හෝ මිණි ගෙඩි හැඬවීමයි..!
ගණ්ඨාව හඬවනයුරු හා ජාම
දවසේ කාලය බෙදා දැක්වීමේදී සාමාන්යයෙන් දහවල ජාම 4කටද, රාත්රිය ජාම 4කට ද බෙදා නම අටක් වශයෙන් හැඬවේ.., එම ජාම ගණන් ගන්නේ මෙසේය.
උදේ පාන්දර සිට අටවැනි සිංහල පැය පළමුවන ජාමය.
නවවෙනි පැය සිට මධ්යහනය [ 5වෙනි පැයට] දෙවන ජාමය.
මද්දහනේ සිට 7වෙනි පැයට තෙවන ජාමය යි.
අටවැනි පැයේ සිට 15වෙනි පැයට සිවුවන ජාමයයි.
මේ අනුව සිංහල ක්රමයට පය හැටකි. මේ අනුව රාත්රියට ද 8-7-7-8 වශයෙන් ජාම හතරකට බෙදුනි. මේ කාල වකවානු අනුසාරයේ රාජකාරි කල දුග්ගන්නාරාළවරු පණහත් හැටත් අතර විය. ඔවුන් දිනපතා හැඟවූ ගණ්ඨා නාදය රජගෙදර සිට මයිල හතරක් පමණ ඈතට ඇසුනේය.
මේ හැඬවීම නිසා රජගෙදර සේවකයන්ට මෙන්ම නගර වාසීන්ට වෙනත් කටයුතු සඳහා සුභ මුහුරත් සඳහා වෙලාව දැනගනීමට හැකිවිය. රජටුහ්මා දිනපතා දලදා වැඳීමට පැමිණියේ 4 වෙනි ජාමයට ය. එසේම මල්වතු අස්ගිරි භික්ෂූන් දලදා තේවාවන් සඳහා වේලාව දැනගත්තේද මේ අනුවය. සාමාන්යයෙන් රජතුමා නගරයෙන් පිටගියේ කලාතුරකිනි. එහෙත් නිතරම රජතුමා මල්වතු අස්ගිරි හිමිවරු බැහැ දකින්නට ගියේ ය . මේ ගමන් වලට රජතුමා පිරිවරා දුග්ගන්නාරාළවරුද සහභාගි විය. රජමාලිගයේ වෙනත් කාර්යංශයන් මෙන් අතපත්තු මුරපොලත් අතපත්තු මුහන්දිරම් කෙනෙකු යටතේ පාලනය විය. ඊට අමතරව එයට ලේකම් කෙනෙකු හා කංකානම තැනක ද අයත් විය..!
රන් ආවුද මණ්ඩපය යනු රජතුමාගේ ආවුද තැම්පත් කර තිබූ අවි ගබඩාවයි. මෙයට දුග්ගන්නාරාළවරු 100 දෙනෙකු පමණ යටතේ පාළනය විය. මාලිගය අසල පිහිටා තිබී ඇති මේ ගබඩාව තුල ඇති ආයුධ පිළිබඳ ලේඛනයක් එහි ලේකම වරයා යටතේ ඇති අතර රජු ඉල්ලන විටදී ඒ ආයුධ ලබාදීම එහි සේවයේ නියුතු වූවන්ගේ වගකීම විය. විශේෂයෙන් රජුගේ අවි ආයුධ මල නොබැඳී පිරිසිදුව තබා ගෙන සිටීම වැනි වගකීම ද ඒ අතර විය.රාජ්යතාන්ත්රික කටයුතු වලදී රජුට අවැසි ආයුධ ලබාදීමත් ආයුධ පිරිවරා රජුවටා රැකසිටීමත් රන් ආවුදමඩුවේ සිටින දුහ්හන්නාරාළවරුන්ගේ කාර්යයභාර්යය වීය. රජතුමා පාවිච්චි කරන ආයුධ වෙන ආයුධ වලට වඩා පෙනුමින් ද වෙනස් විය.., මේ නිසාම මේ ආවුද භාවිතය රාජදණ්ඩන වලට යටත් විය හැකි තරම් දරුණු වරදවල් විය.
වරප්රසාද
දුග්ගන්නාරාලවරු කිසි විටෙක රජුර කනිටු නිලදාරියෙකුට යටත් නොවීය. හැමවිටම හේ රජුට පමණක් යටත් විය., මේ නිසාවෙන් ම ඔවුන් ව මහජනතාව නිලමේ යන නමින් හඳුන්වන්නට විය. එසේම මාලිගයේ පැවති රාජකීය උත්සව වලදී බිසෝවරුන් හා අදිකාරම වරු පසුකොට රජු පෙරරු කරගෙන ගමන් ගන්නට මේ නිලධාරීන් ට පුලුවන් විය. ඇතැම් විට තමන්ගේ ගම්බිම් සඳහා රජතුමාට බදු නොගෙවා සිටින්න්ට පුලුවන් විය. ඉඩකඩම් ලබාදී තිබිණ උඩරට සියල්ලන්ට පොදුවූ කත්හාල් රාජකාරියෙන් පවා ඔවුන් නිදහස් විය. කල වරදකර දඬුවම් පවා ලැබුවේ කලාතුරකිනි..,
මේ ආකාරයෙන් රජතුමා දුග්ගන්නාරාලවරුන්ට ලබාදුන් විවිධ වරප්රසාද ගැන මෙසේ සඳහන් වෙයි. දෙවන රාජසිංහ රජතුමා තමා සිත් ගත් දුග්ගන්නාරාළකෙනෙකුට ප්රවේණි ගම්වරයක් දුන්නේය.
කීරිති ශ්රී රාජසිංහ රජතුමාරාජ සේවයට පැමිණි වයෝවෘධ දුග්ගන්නරාළ කෙනෙකුට මිය යන තෙක් ම සහල් සහ අඩුම කුඩුම සපයන් ලෙස නියෝග කර තිබේ. දුග්ගන්නරාල කෙනෙක්ට අවැසි සහල් ප්රමාණ හැඳින්නුවේ හාල්බර නමිනි. හාල් බරක් යනු හුන්ඩු හැටකි [60]. හුන්ඩු කට සහල් මිටවල් 8කි, සමහර අවස්ථාවල දී සහල් මිටවල් 10 ද සහල් හුන්ඩුවක් ලෙස ගණන් ගන්නාලදී..!
තවද වීරපරාක්රම නරේන්ද්රසිංහ රජතුමා රජුගෙන වසර ගෙන සිය පෞද්ගලික කටයුතු වල පවා යෙදිය හැකි ලෙස අවසර දෙන ලදී.
අප්පුහාමි නාමය
මෙසේ උඩරට රජතුමාට සේවය කල දුග්ගන්නාරාලවරුන්ට විශේෂිත වූ නාමයකි අප්පුහාමි යන නම. මේ නම අද උඩරට භාවිතා නොවුවද පහතරට සිටින ගොවිගම කුලයේ උසස් පැලැන්තියක් සඳහා යෙදී සංඥානාමයකි. ඊට හොඳම උදාහරණය පළමුවන විමලධර්මසූරිය රජතුමා ලෙස ගත හැකිය. රාජවංශිකයෙකු නොවූ ඔහු කතෝලික ආගම වැළඳ පෘතුගීසි යටතේ සිටියදී ව්යවහාර කල නම වූයේ දොන් ජුවන් අප්පුහාමි යන නමයි. මේ අයුරින් පහත රට ප්රදේශ වල ව්යවහාර වූ අප්පුහාමි යන්න වැදගත් අය භාවිතා කල ගෞරව නාමයකි. එය උඩරට භාවිතා වූයේ රාජපාක්ෂිකයන් සඳහා වූ ගෞරව නාමයක් වශයෙනි.
මූලය:
- තෙන්නකෝන් විමලානන්ද මහතාගේ උඩරට මහ කැරැල්ල තුන්වන කාණ්ඩය පිටු අංක 227 - 229, 325.
- නුවරඑළියේ හේමපාල මහතාගේ ත්රි සිංහලයේ නායකයෝ
Monday, May 3, 2010
සොඳුරු මිතුදම් ගොඩක් මැද්දේ වරුවක් ගත කළෙමි..!
රංගී අක්කා මේ සැරේ ලංකාවට ඇවිල්ලා තියෙන්නේ ලොකු කාලෙකට.., ඒ කියන්නේ මාස තුනකට විතර.., ඇවිල්ලා මාසයක් ගෙවුනත් පුදුමෙ කියන්නේ මට විවිධ හේතුකාරණා නිසා ඇයව හමුවන්නට බැරි වුනා. සචී අක්කා හෂිත අයියාලා එක්ක සොකරි නාඩගම් බලන්න ගිය දවසට පහුවදා අපේ මුචා, ආගන්තුකයා, පිටස්තරයා, රංගී අක්කා, මලියා සහ හිතාදර නොදරුවා හා මරේ එක්කාසු වෙලා පවත්තපු සාදයටත් පොල්ල තියන්න වීම නිසා මට ඒ කට පිං සිද්ද වෙන්න නොසෑහෙන්න බැණුම් හා විවිධාකාර කරදර වලට මූණ දෙන්න සිද්ධ වුනා.., කොහොමින් කොහොම හරි අපේ සෙට්වීම් සමූහය ඇතුලේ තව ගමනකට ලැහැස්තිවෙන්න බිම් සැලසුම් අඳින්න වැඩ කටයුතුත් පටන් ගෙන තිබුනේ.., අන්තිමට ම දිනයකුත් සෙට් කොරා ගත්තා. ඒ තමා මැයි පළමු වෙනිදා හෙවත් ලෝක කම්කරු දිනය හෙවත් වැඩකරන පරම්පරාවේ දවස.., ඊමේල් සීයයේ මේල් ත්රෙඩ් තුනකට පසුව අවසානයේ මැයි පළමුවෙනිදා හෙවත් අපේ පික්නික් දවස උදා වුනා. 
මේල් ත්රෙඩ් එක ඇතුලේ කතා කරගත්තු පරිදි හැකි අය ඊට කලින් දවසේ රංගී අක්කාගේ ගෙදර ට ගිහින් නැවතිලා හිටියා.., සචී අක්කා, සුදාරක මල්ලී හා මලී එන්නට ලැහැස්ති වෙලා හිටියත් අවාසනාවකට සුදාරක මල්ලිට එන්නට නොහැකි වුනා, විවිධ කටයුතු නිසා සචී අක්කාටත් මේ ගමන එන්න බැරි උනේ අවාසනාවකට, ඒත් මලී කලින් දවසේ රාත්තිරියේ රංගී අක්කාගේ ගෙදර ඇවිල්ලා උයලා දීලා ගිහින් තිබුණ නිසා අපි හැමදෙනාටම පහසුවක් උනා.., මලී නංගී ගොඩාක් ස්තූතියි උඹ මේ වගේ කෑම හදලා අපි කට්ටියට ම දීපු උදව්වට.., හරිම රසට පිරිසිදුවට උයලා දීපු එක ගැන කොහොම නොලියා ඉන්නද.., ඊළඟට අපේ පිටස්තරයා බොහෝම මහන්සී වෙලා හදලා ගෙනාපු රසම රස මඥ්ඥොක්කා එක ගැනත් කියන්නම උවමනායි.. සුපුරුදු විදියට ගහකට උනත් මුල ඉඳන් නගින්න ඕනේ කියන කතාව නිසා.., මුලින් ම අපේ ගමන ගිය අය ගැන කියන්නම උවමනා වෙනවා.
මෙන්න කස්ටිය..
රංගී අක්කා.
ආගන්තුකයා.
පිටස්තරයා.
මරණේ.
අංජන.
ලිහිණි අක්කා.
නිරූපා මැඩම්.
අසංග.
මේක ලියන මම.
අවසාන වශයෙන් මුචා හෙවත් මුචලින්ද.
එද්දී තලවතු ගොඩින් අපේ යථාර්තයට ඔබ්බෙන් ඉන්න අංජන වාහනේට දාගෙන මගින් පිටස්තරයා හා මුචාව කොට්ටවෙන් සෙට් කරගත්තා.., ආගන්තුකයා අසංග හා මරේ තුන් දෙනා වාහනේට එකතු වුනේ රංගී අක්කාගේ නවාතැනේ ඉඳලා.., ලිහිණි අක්කා හෝමගමින් ද නිරූපා මැඩම් පන්නිපිටියෙන් ද සෙට්වෙලා තමා ඔන්න එන්න පටන් ගෙන තියෙන්නේ.., අවසානයට දෙයියනේ කියලා උදේ නවය වෙන කොට අපේ ගෙදරට කස්ටිය ඔක්කොම ආවා.., අපේ ගෙදරදී චමිලයා හදාගෙන ආපු මඥ්ඥොක්කා, සම්බෝල, බිත්තර සහ පාන් එක්ක කට්ටිය කන්න සෙට් උනා.., 
අවසානයේ අපි කට්ටිය ඇල්ල බලා පිටත් වෙනකොට හරියටම දහයට විතර උනා. එහිදී මගින් අහගත්තු තොරතුරු වලට අනුව එක ඇල්ල ඇලි තුනක් බවට පත් වුනා.., ඒ දඹෝර ඇල්ල, කුමාරි ඇල්ල [වල], රන්මුතු ඇල්ල, මුලින් ම හමු වුනේ කුමාරි ඇල්ල ඒත් එහි මිනිස්සු වැඩිපුර සිටීම නිසා අපි අවසානයේ නැවතුනේ රන්මුතු ඇල්ල ගාව..,
ගිහින් ඇඳුම් මාරු කරගෙන එහෙම ස්ටෙලා වෙන්න ලැහැස්ති වෙන්කොට අපි හිටියේ දවල් දොලහට පැය භාගයක් පිටිපස්සෙන්.., වෙලාව නොදැනිම ගියා එකොලහමාරට වතුරට බැහැපු කට්ටිය ගොඩ දවල් කන්න ගොඩ එද්දී හවස තුනහමාරත් පහුවෙලා.., 
එහිදී අපි හදාගෙන ආපු බත්, කට්ලට්, ඌරුමස්, කුකුල් මස්, වම්බටු මෝජු හා පරිප්පු එක්ක තරු පහේ කෑම වෙලක් ලබා ගන්නකොට අපි වටේට වෙන වෙන පැති වලින් නාන්න කරන්න ආපු අය යන්න ලැහැස්ති වෙනවා.., හවස හතරයි කාලට විතර අපේ සියලු දෙනාගෙම ආහාර අනුභවය අවසාන වීමත් සමඟම ආපහු අර ගලායන වතුර කඳ දිහා බලාගෙන ඉන්න බැරිම තැන වතුරට ආපහු බැස්සා..! 
ගොඩ එනකොට පහ පසුවී විනාඩි පනහක් වෙලා.., කොහොමද ජල කෙලියේ තරම..! ඒත් එක දෙයක් කියන්න තියෙනවා.., ගෙදරට පොරොන්දුවක් වෙලා ආපු නිසා මුචා නාන්න ට එක්කාසු උනේ නැහැ.., එහෙත් බයිට් එක ඩයට් එකට ගනිමිනුත්.., මගේ අසරණ පැන්ටා කුප්පිය ට වැඩ දීමෙනුත් තම යුතුකම් කොටස මැනෙවින් ඉටු කලා..!
අන්තිමට හයයි කාල විතර වෙනකොට අපේ ගෙදර ඇවිත් ගෙදර තේ පැන් සංග්රහය භුක්ති විඳලා යනකොට ගොඩක් හවස් වෙලා..!!! 
එක දෙයක් නම් කියන්න උවමනාමයි.., මේ ගමන යන්න සංවිධානය කරන්න රංගී අක්කා ගොඩාක් මහන්සි උනා.., ඒ නිසා මේ ගමන නිසා යම් සංතොසයක් ලැබුවානම් ඒ ලැබීම ගෞරවයෙන් සීයට අසූවක් වත් ලැබෙන්න ඕනි ඇයට..! අනික මුචාර්ට නම් තැබීම උත්සවය නිසා අපි ලැබූ විනෝදයත් සුලුපටු නැහැ..!
වැඩිපුර විස්තර උවමනා අයට මගේ , අංජනගේ හා මුචාගේ මූණු පොත් පිටු වලින් අපි ගත්තු පිංතූර කතා බලා ගන්නට පුලුවන්.
